Muling nanawagan ng respeto at privacy sa publiko ang BINI member na si Gwen Apuli matapos aniya'y malabag muli ang kanilang personal space at time.
Ito'y matapos silang dumugin at katukin ng ilang Blooms (tawag sa kanilang fandom) sa kanilang hotel rooms para makapagpa-picture sa oras na dapat ay nagpapahinga na sila.
Read: BINI celebrates third anniversary with more than 8,000 fans
Sa post sa X (dating Twitter) nitong Miyerkules, August 14, 2024, ibinahagi ni Gwen ang kanyang pagkadismaya sa ilang fans na hindi nirerespesto ang kanilang privacy, bagay na labis nilang ikinalulungkot.
Madalas naman daw pinagbibigyan nila ang kanilang mga tagahanga, ngunit ibang usapan na raw kung hindi na kayang galangin ng mga ito ang kanilang personal time.
Kasalukuyang nasa Canada ang P-pop girl group para sa kanilang concerts na bahagi ng kanilang BINIverse world tour.
Read: Karen Davila clarifies statement about BINI
Mababasa sa post ni Gwen,"Nakakalungkot, palala na [nang] palala."
"I really hope everyone respect people’s privacy yung personal time we’re trying to adjust eh kase wala ganon na talaga, pero kahit privacy na lang, we appreciate your love and support and we always try na mapagbigyan kayo sa pagpapicture but pleasee… not to the point you’ll go knock our rooms just for picture [praying emoji]."
BINI AIAH SUPPORTS GWEN'S POST
Maging ang co-member ni Gwen na si Aiah Arceta ay hindi na rin nakapagpigil na muling magsalita para paalalahanan ang kanilang fans.
Ni-repost ni Aiah ang tweet ni Gwen, kalakip ang pakiusap na respetuhin ang kanilang privacy dahil kagaya ng iba, tao rin daw silang nakararamdan ng pagod kaya't mahalaga sa kanila ang personal space para makapagpahinga.
Aniya: "This is what I had been talking about before.
"We genuinely care for and appreciate everyone who support us. However, at the end of the day, tao lang din kami and need din namin ng personal time and space para makapag recharge.
"Recharged bini girlies = renewed energy and positive spirit that can radiate to everyone else."
BINI AIAH SPEAKS UP ABOUT Invasion Of Privacy
Hindi ito ang unang beses na nagsalita si Aiah tungkol sa privacy ng kanyang grupo.
Noong July 7, nag-post na rin si Aiah sa kanyang Instagram Story matapos mag-viral ang video niya habang siya ay nasa isang bar sa Cebu City.
Sa viral video makikita ang umano'y naranasang pangha-harass kay Aiah ng isang lalaki nang sunggaban nito ang P-pop star at ilapit ang kanyang mukha.
Kapansin-pansin naman ang pagkagulat ni Aiah sa ginawa ng lalaki kaya't agad din siyang umatras bago pa tuluyang maidikit ng fan ang kanyang mukha.
Read: BINI’s Aiah reiterates call for respect and privacy
Dahil sa nangyari, marami sa Blooms ang nanggalaiti sa anila'y mapagsamantalang fan.
Hindi rin ito pinalampas ni Aiah.
Sa kanyang Instagram Story noong araw ring iyon ay sinabi niyang may ilang fans ang lihim na pinipiktyuran ang kanyang mga galaw at walang permiso itong pinu-post online.
Ang malala at ikinabahala pa raw niya ay nang ilagay ng mga ito ang real-time location kung saan siya naroroon.
Hindi naman daw sa ayaw ni Aiah magpa-picture sa fans, pero sana raw ay irespeto pa rin ang kanyang personal time kasama ang pamilya at mga kaibigan.
Lalo pa't bibihira lang naman siyang lumabas kasama ang mga ito dahil sa kanyang busy schedules.
Read: BINI makes P-Pop history with KCON LA 2024 performance
Saad ni Aiah (published as is): “I also want to take this opportunity to speak up about my recent trip to Cebu, where I went home in the hopes of de-stressing, relaxing, and enjoying my time with family and friends.
“I got to bond with them, and I was extremely happy to do so.
“However, there were still times when other people would not understand the need for privacy and personal time.
“Some would directly run up to me, grab a photo (even while I was eating), post it in real-time, use my face and post it on pages or places for the sake of clout and publicity without my consent, and worse, some would even include the real-time location, which I don't think is safe.
"Don't get me wrong, I like taking pictures with others, and I enjoy meeting people who are as passionate as we are in the world of music and entertainment.
“It also warms my heart to hear and see people slowly learning more about me and my group, Bini. But I just hope that people also see and respect us as human beings.
“We don't always get to go out lately because we have been busy with work, and the least we can ask for is for others to respect our personal time and our humanity.”
Read: Lea Salonga supports BINI Aiah's call for asserting boundaries