Bet ng netizens at televiewers ang love triangle nina Lena (Mercedes Cabral), Rigor (John Estrada) at Marites (Cherry Pie Picache) sa Kapamilya teleseryeng FPJ’s Batang Quiapo.
Read: Cherry Pie Picache, "tinakot" si Mercedes Cabral
"Medyo nag-trend talaga yung Lena-Rigor-Marites,” nakangiting sabi ni Cherry Pie sa storycon ng pelikulang Fatherland noong Agosto 10, 2024, Sabado, sa Manila Hotel.
"So nag-trend talaga, so halos lahat ng laman, sorry, TikTok nga, I mean, ng social media, so medyo yun ang gustong content ng tao. So sinakyan namin."
Iba ang samahan nila, di ba?
Tumango si Cherry Pie, "Ay, oo! Kami, kaming tatlo. Kaming tatlo naglolokohan plus with Roda [Joel Lamangan] now, with frenny."
Read: Actor John Estrada hospitalized for undisclosed reasons
Parang kapatid lang niya si John, di ba? Ibig sabihin, walang bahid ng romance.
“Noon pa, noon pa,” sabi ni Cherry Pie.
“Actually, maganda nga rin yung nangyari sa amin ni John. Kasi nagkaroon kami ng misunderstanding before."
Hindi na nag-elaborate si Cherry Pie sa usaping ito, bagkus siniguro niyang okay na sila ng aktor.
"...dito sa Batang Quiapo, ahhh, you know, we really got to know each other. Ayun.
"Si John, mabait na lalaki yun. Pilyo lang."
CHERRY PIE ON CAMILLE'S ONE-YEAR PREGNANCY
Ano ang nagpapa-happy sa kanya nowadays?
“Work,” mabilis na tugon ni Cherry Pie.
Work lang?
“Tsaka anak ko. Halaman. Pagluluto, ganun. Tiktok! Hahahaha!" pagtawa ng premyadong aktres.
“I only joined it a month pa lang. Sobrang nagulat ako sa engagement. Naka-3.2K likes na, tapos 200K+ agad ang subscribers.”
Ang nagturo sa kanyang mag-TikTok ay si Yukii Takahashi, na isang taon nang “buntis” bilang Camille sa FPJ’s Batang Quiapo.
Bakit ang tagal ng kabuwanan ni Camille?
“Yun ang gusto kong i-explain, kasi, di ba, sa viewers, ang timeline, one year...” paliwanag ni Cherry Pie.
“Pero sa istorya namin, ang timeline…45 days? Parang ganun.”
CHERRY PIE ON BATANG QUIAPO lead star coco martin
Napaka-successful ng FPJ’s Batang Quiapo, na mataas ang TV ratings kung weekdays, Lunes hanggang Biyernes.
Ibinalik niya ang papuri sa lead star ng serye na si Coco Martin, na ginagampanan ang papel ni Tanggol Dimaguiba.
“Sobra. Pero aasahan mo naman, napaka-brilliant naman kasi ni Direk Coco. I mean, di ba, si Coco talaga ever since has been a creative person. Ang pinakakinabibilib ko, talagang walang pagod, di ba? Sobrang sipag na tao.”
Bukod sa pagiging bida ay isa si Coco sa mga direktor ng FPJ’s Batang Quiapo.
Okay lang ba kay Direk Coco sakaling may suggestions ang cast members?
“Ay, oo, oo! Tulungan kaming lahat. Tapos he doesn’t mind.Yun ang gusto niya,” pagsisiwalat ni Cherry Pie.
“Nakikipag-collaborate siya.”
Walang moment na nagtalo sila? Nag-clash ang ideas?
“Siyempre minsan, di ba, tinatanong namin, tinatanong ko siya, yung di ba, yung ‘Direk, ganyan-ganyan, basta, ganito-ganyan.’
“So ang lagi niyang sinasabi, ‘Just trust me, I know,' and he takes care of each and everyone’s character.
"‘So just trust me,’ yun ang sinasabi niya.
“Kasi minsan, hindi mo maiintindihan. Kasi hindi naman niya makuwento hanggang ending, di ba? Pero yun na nga, hindi mo maintindihan then later on, mare-reveal, ‘Ahh kaya pala ganun yung tahi.’”
Hanggang kailan eere ang FPJ’s Batang Quiapo? Kailan magtatapos ang mga pakikipagsapalaran ni Tanggol?
“Hindi ko alam. Pero sana, matagal, di ba?” sambit ni Cherry Pie.
CHERRY PIE PICHACHE'S MOVIE PROJECTS
Bagama’t abala at napapagod na si Cherry Pie sa pagti-taping ng FPJ’s Batang Quiapo at paggawa ng content para sa social media, tinanggap pa rin niya ang pelikulang Fatherland.
Puwede namang sa halip na mag-shooting ng pelikula ay magpahinga siya, makapiling ang pamilya…
“Yun pa, di ba? Ako ngayon sa edad ko, parang yun na, e, di ba, after pandemic,” pagbuntong-hininga ni Cherry Pie.
“Kailangan marunong ka na ring mag-control, di ba? So yun, ahhmm pero nakaka-miss kasi ang pelikula.
“So may ginawa rin ako sa Cineko na ang ganda-ganda rin, iyung Last Virgin with Direk Nuel Naval.
“Kasama ko sina Zaijian [Jaranilla[, Xyriel [Manabat], Pepe [Herrera], saka si JC Santos. Ang ganda-ganda!”
Andami niyang ginagawa! Saan siya humuhugot ng energy?
“Hindi naman, ngayon lang naman. Tapos ayun, I see to it din na nagpapahinga ako,” sambit ni Cherry Pie.
Saka niya binanggit ang unico hijo niyang si Antonio "Nio" Picache Tria, 22.
Sa pagpapatuloy ng aktres, “You know, ang anak ko, lumalaki na. He just graduated so I’m also making the most of it.
“Kasi malapit na, na hindi ko na talaga siya makakasama. Actually, parang medyo nangyayari na ngayon.
“May girlfriend na siya. He just graduated last June. Tapos now, he started work already.”
Co-stars sina Cherry Pie at Mercedes sa pelikulang Fatherland, na ang direktor ay si Joel Lamangan.
Nasa cast din ng Fatherland sina Richard Yap, Allen Dizon, Iñigo Pascual, Ara Mina, Angel Aquino, Max Eigenmann, Jeric Gonzales, Yasser Marta, Jim Pebanco, at marami pang iba.