Sampung taon nang hindi nakikita ng PBA player na si James Yap ang anak na si Bimby Aquino Yap.
Si Bimby ay anak ni James sa dating asawa na si Kris Aquino.
Sa panayam ng ABS-CBN News na lumabas nitong Miyerkules, October 9, 2024, inamin ni James na isang dekada na mula nang huli niyang makita si Bimby.
"Wala na, 10 years na," ang kanyang diretsong sagot nang matanong tungkol sa anak.
Nakapanayam ng ABS-CBN si James habang nagpa-file siya ng kandidatura bilang councilor ng unang distrito ng San Juan City.
Read: James Yap, Ervic Vijandre running for councilor in San Juan City
Bimby YAP STARTS REBUILDING RELATIONSHIP WITH JAMES YAP
Sa post ni Kris sa Instagram noong June 19, 2023 tungkol sa pag-anunsiyo ni Batangas vice governor Mark Leviste sa kanilang relasyon, nabanggit ng dating TV host na ayaw niyang matulad sa kanyang childhood ang anak na si Bimby, na lumaking hindi kapiling ang ama.
Ito raw ang dahilan kaya hinahayaan nitong i-rebuild ng anak ang relationship nila ng amang si James.
May happy note naman si Kris kahit ayaw niyang magbanggit ng pangalan dito dahil “maraming pinagdaanan, maraming hindi pagkakaunawaan.”
Pahayag ni Kris: “On a happier note: no names shall be named BUT it will be easy for you to figure out… maraming pinagdaanan. maraming hindi pagkakaunawaan pero ayokong masabi na pinipigilan ko si Bimb… my own childhood was fatherless because of Martial Law so why’d i subject my bunso to the same fate?”
Sabi pa ni Kris, walong taong gulang pa lamang si Bimby noon ay alam na niyang maaaari na itong magdesisyon para sa sariling buhay.
Noong 16 na si Bimby, sinabihan niya raw ang anak na kung merong taong nais makipag-ayos ay pagbigyan niya ito.
“From the time Bimb was 8, he had the freedom to decide… now at 16 I told him- 'when someone reaches out after 7 years, and there’s a chance for PEACE, then everyone WINS.'"
Ginawa raw ni Bimby ang unang hakbang sa mismong Father’s Day, June 18.
“Yesterday Father’s Day, my bunso made me proud - he’s had the number to contact for almost a week, and the reluctance was so real, yet he took the 1st step towards rebuilding a relationship that I know will require some time to repair PERO ang mahalaga ay nagsimula na…"
Read: Kris Aquino says Mark Levisite announced their relationship without her consent
Huling nagkasama sa isang public gathering sina Bimby at James noong libing ni dating Pangulong Noynoy Aquino sa Manila Memorial Park noong June 26, 2021, pero hindi eaw nakalapit si James sa anak at nasa likod lamang ito.
Read: James Yap, low profile sa libing ni PNoy
Ikinasal sina Kris at James taong 2005.
Naghiwalay sila noong 2012.
Read: PEP SPECIAL REPORT PART I: Why the marriage of Kris Aquino and James Yap was declared null and void
Pagakatapos ng ilang taong pananatili sa Amerika, dahil sa pagpapagamot ni Kris, nasa Pilipinas na muli si Bimby at ang kanyang ina.