Matapos ang mahabang panahon, magbabalik sa Philippine stage si Ella May Saison sa isang concert kasama si Jay Durias at ang grupo nitong South Border.
Pinamagatang Soundtrip Sessions Vol. 3, magaganap ito sa November 9, 2024, sa The Theater at Solaire.
Sabi ni Ella May sa presscon, “Actually, we'll make you in love again, we'll make you cry again. So abangan ninyo iyan.
“We have a lot of surprises for you, guys, so expect a good show, expect a lot of things in this show and, of course, our musical director, my brother, Elhmir Saison.”
Read: Jay Durias remembers cutting classes to watch Ella May Saison
HOW THE ELLA MAY SAISON-SOUTHBORDER CONCERT CAME TO BE
Base na sa U.S. si Ella May, at noong 2020 ay may concert dapat siya sa Pilipinas,
"Mismo yung pandemic, the concert didn’t push through kasi iyon yung medyo chaotic na, e,
"So I wasn't able to do the show, but I was able to stay. Nag-lockdown talaga, so I was just with my family, yun lang, I was with my mom, my brothers, my sisters, yun lang.
"Nasa bahay lang kami and then, you know, just to be with them, okay na ako dun.
“I stayed here...mga seven months, actually. Pinatapos ko lang yung pandemic and then I went and left.”
At ngayon lang siya muling nakabalik sa Pilipinas, “Yes, parang blessing in disguise din, e.
"My sister just called me... and she said if I wanted to do a show, and I didn't know pa kung ano yun, but I just said yes, kung sino yun.
“And then I found out na I'm going to do a show with South Border. Sabi ko, ‘Bakit hindi? Why not, di ba?’”
ELLA MAY SAISON'S FIRST MEETING WITH JAY DURIAS
Namayagpag noong 1990s ang mga kanta ni Ella May at ng South Border, na at that time ay keyboardist nito si Jay.
Naging big hit ang "Till My Heartaches End" noong 1992; naging chart topper ang "Kahit Kailan" noong 1996.
Pero nakilala ni Ella May si Jay taong 1990.
Kuwento niya, “Actually, na-meet ko si Jay sa Davao, iba pa yung band niya nun, when he was only 15 years old and they were really good na.
“Ang babata pa nila nung time na yun. e, so we were really… talagang gulat na gulat kami sa talent ni Jay. So dun ko si Jay nakilala.
"Tapos nagkita na lang kami dito sa Manila nung South Border na siya, sikat na siya.
“He's very talented—singer, songwriter, keyboardist, lahat na, you name it, genius iyan e.”
Bakit ngayon lang sila nagkaroon ng collaboration ni Jay?
Sagot ni Ella May, “Kasi I live in the States and Jay is here.
"Naisipan lang ng producer namin talaga na gawin ito because alam niya na pareho kaming…nagkakahawig yung music namin.
“So iyon yun, we just accepted it and we thought it’s a good combination.”
ELLA MAY SAISON ON DREAM COLLABORATIONS, REVIVAL OF HER SONGS
Given the chance, gustong maging visible ulit ng soul singer sa concert scene.
At kasama sa dream collaborations niya sina Gary Valenciano at Martin Nievera.
“Actually, I wanted to collaborate with Gary, Martin, actually ang dami, e, si Regine, I’m a big fan of Regine Velasquez, Lani Misalucha.
“You know, a lot of big names na palagi kong iniisip na one day makasama ko, ano lang, time will tell.”
Naging timeless hits ang mga kanta ni Ella May.
Ang "Till My Heartaches End," na sinulat ni Vehnee Saturno, ay naging pelikula pa nga noong 2010.
Ang isa pang hit ni Ella May na "If the Feeling Is Gone" (1993), sinulat ni Jimmy Borja, ay ni-revive ni Kyla noong 2004.
Aniya, “I guess the magic is the lyrics itself and the melody."
Ang natatawa niyang dagdag, "At saka of course yung kumanta na din. At saka yung melody kasi very catchy siya, e, matatandaan mo agad, yung… ‘I recall’ pa lang, alam na nila, dun nila natatandaan, and the melody.”
Ano ang reaction niya sa mga revivals at covers ng kanyang songs?
“The thing is, I don’t criticize. Whoever sings my songs.
"Sa 'Till My Heartache Ends,' particularly, I don’t criticize. Kasi iba-ibang versions e, iba-ibang boses, iba-ibang talent.
“I try to appreciate everything kasi iba-iba naman ang style nila, e, yung pagkanta nila, so para sa akin good pa din yun.
"Kasi naa-appreciate pa din nila yung song until now and good side yun para sa akin, para kilala pa din ako up until now, hindi na siguro ng iba.
"But yung song talaga, iyon yung importante.”
Kaninong version ang pinakagusto niya?
Rebelasyon ni Ella May, “Alam mo kung ano? Pilita Corrales has her version of 'Till My Heartache Ends' and I really love it so much!
“You have to listen to it on YouTube, she sang it gracefully.
"Ang talagang sosyal ng dating nung song. Nung narinig ko, sabi ko, ‘Oh my God, Pilita can really pull off that song!’”
ELLA MAY SAISON'S ADVICE TO SINGERS
Pero kung meron siyang maipapayo sa mga singers, ito ay ang pagpili ng tamang kanta.
Kahit sa mga singing contests, pinipilit na itaas ang tono ng mga kantang mahirap abutin.
Sabi ni Ella May, “Alam mo, nangyayari din sa akin yun, e, pag super- excited ako.
"Nangyayari din sa akin na parang gusto mong i-reach yung high note, pero iba ang lumalabas so natural iyon.
"Well, ang advice ko lang is kung ano yung tamang kanta para sa iyo, gawin mo yun.
"Choose your songs at saka kung ano yung nababagay sa iyo. Iyon ang advice ko sa kanila.
“Maraming magaling, e, maraming talents ngayon na hindi ko na kilala, pero pag naririnig ko sila, ang gagaling!
“Siyempre, importante din na alagaan yung boses.”
Sino sa mga artists ang hinahangaan niya?
“Ang dami, si Kyla, si Morissette, Nina is good din. Madami. Ang mga bata ngayon parang sisiw lang sa kanila yung high notes, e, ang gagaling nila.”
How do you age along with your songs?
“Gracefully,” pakli ni Ella May, "and I think hindi nawawala sa akin yung nandun pa din yung boses.
"Iyon yung talagang inaalagaan ko din at saka yung passion ko sa music.
“My love for music is still there, kahit anong mangyari, kahit if I’m like 70 or whatever, I still wanna sing, but sa bahay na lang siguro,” at natawa ang female singer.
Nakausap ng PEP.ph (Philippine Entertainment Portal) nitong October 16, 2024, sa Alba Restaurant sa Tomas Morato, Quezon City,
ELLA MAE SAISON'S LIFE IN THE U.S.
Mag-iisang buwan na si Ella May ngayon dito sa Pilipinas, pero sa U.S. na talaga siya nakatira.
Kumusta ang buhay niya sa States?
“I live with my 2 dogs, I live there peacefully. My life there is so simple sa Dallas, Texas.
“Gusto ko yung life na ganun, nakakapag-contemplate ako, nakakagawa ako ng songs, nakakapag-isip ako ng mga bagay-bagay positively, yun lang ang buhay ko dun.
“I moved to the US in 2001, I moved to LA first and then I moved to Texas three years after.”
Nakakapag-perform pa rin daw siya doon.
“Oh yes,” bulalas ni Ella May.
“I still get to do my passion as a singer, mostly mga special occasions, mga ganun.”