Pagkaraan ng dalawang linggo, napili ng Miss Universe Organization bilang winner ng National Costume Award ang Philippine bet na si Chelsea Manalo.
In-announce ito ng naturang international pageant ngayong Sabado, November 30, 2024, after sharing a video compilation of the award’s Top 3.
Second place si Miss Chile Emilia Dides at third place naman si Miss Vietnam Nguyen Cao Ky Duyen.
“Proudly representing their homeland! The National Costume is a way for contestants to share their country’s story, traditions, and values with the world,” ayon sa statement ng MUO.
Naganap ang National Costume Parade noong November 15.
CHELSEA MANALO'S NATIONAL COSTUME
Ang nagwaging national costume ni Chelsea ay tinawag na “Hiraya,” na gawa ng Filipino designer na si Manny Halasan.
Sa social media, agad nag-post si Manny, “OMG Best in National Costume. Thank you Lord!!!!!!! Congratulations Chelsea Manalo."
Islamic art ang pattern ng costume at pinakita rin ang most popular art form ng Bulacan na kung tawagin ay Puni.
Meron ding imahe ng Our Lady of Antipolo or Our Lady of Good Voyage sa likod ng costume.
Isang beaded boat ang headpiece to symbolize the Galleon trade, ang kalakalan sa pagitan ng Manila at mga barkong galing sa Mexico noong 16th century.
Nagpasalamat sa official Instagram page ang Miss Universe Philippines: “Thank you to all those who voted to help the Philippines win 1st place!"
Ang comment ni Chelsea ay: “#PanaloSiManalo”
Ito ang ika-apat na beses na nanalo ng National Costume Award ang Pilipinas.
Una ay si Charlene Gonzalez in 1994, pangalawa ay si Gazini Ganados in 2019, at pangatlo si Michelle Dee in 2023.
Naganap ang 73rd Miss Universe pageant sa Mexico last November 16.
Nagtapos ang Miss Universe 2024 journey ni Chelsea sa Top 30, at ang nanalo ng korona ay si Miss Denmark Maria Victoria Kjær Theilvig.
Read: Miss Denmark wins Miss Universe 2024
After the pageant, sa isang press conference, kinoronahan naman si Chelsea bilang first Miss Universe Asia.
Read: Chelsea Manalo named first Miss Universe Asia
Kasama niyang nakoronahan bilang Continental Queens sina Miss Nigeria Chidimma Adetshina as Miss Universe Africa & Oceania; Miss Finland Matilda Wirtavuori as Miss Universe Europe & Middle East; Miss Peru Tatiana Calmell as Miss Universe Americas.