Inamin ni Nadia Montenegro na bukas ang communication lines ng anak na si Sophia Angela Asistio sa totoong ama nitong si Baron Geisler.
Sa panayam kay Nadia ni Mikee Quintos sa latest episode ng Lutong Bahay, nagkuwento si Sophia na wala siyang balak palitan ang apelyido niyang "Asistio."
Sa takbo ng episode, tinanong ni Mikee kay Nadia kung paano niya sinabi kay Sophia ang tungkol kay Baron.
Sagot ng veteran actress, hindi niya sinabi ito kay Sophia.
Ang tanging nakakaalam nito ay ang namayapa niyang partner na si Boy Asistio, at mga kapatid ng dalaga.
Pero kinumpronta daw siya ni Sophia noong 16 years old ito.
Sabi ni Nadia, "From the very beginning naman, hindi namin sinabi sa kanya. Ang nakakaalam, lahat nung... si Boy at yung mga kapatid niya.
"All the years, nakikita naman niya yung mga cousins niya doon sa side na yun.
"We never cut ties naman. But yun nga, yung naging request ng Daddy Boy nila is sana pag nalaman niya, wala na siya sa mundong ito, dahil ayaw niyang magbago ang tingin ni Sophia sa kanya.
"She knew inside pero she confronted me when she was 16. I didn't find any reason naman to parang idutdut pa yung truth kung nakikita ko naman okay naman kami. She's in contact with her dad."
Sabi naman ni Sophia, "I've talked to my dad, but like, since I grew up nga with Daddy Boy, siyempre iba pa rin yung soft place niya sa heart ko.
"When I see comments na parang, 'Bakit ganito yung apelyido mo, ganito, ganyan,' ngayon ko lang sasagutin, because like, 'I'm very proud sa apelyido na meron ako ngayon.'
"'I take pride. And kung hindi ko siya kailangan palitan, hindi ko papalitan yung apelyido ko, guys. Hindi talaga.'"
Read: Nadia Montenegro on alleged daughter with Baron Geisler
NADIA'S DAUGHTER SOPHIA ON REAL DAD BARON GEISLER
Ano naman kaya ang itatawag niya kay Baron kung "Daddy Boy" ang tawag niya sa namayapang si Boy?
Sabi ni Sophia, "I haven't found... the right term. When I talk to him, I just say 'po,' ganun lang."
Gumagawa na ba siya ng paraan para maging close sila ni Baron?
Aniya, "I've been trying to respect pero there's still boundaries because I've tried na din, parang second chance na lang din ito."
Meron na rin naman daw siyang kagustuhang magkakaroon sila ng relasyon ng ama.
Sagot niya, "Yeah, meron naman. Siyempre, hindi ko rin ika-cut off yung ganung opportunity, baka may mahanap ako sa sarili ko na mas makabubuti pala sa akin.
"Baka mas mag-grow ako as a person, if may nakita akong, 'Uy, may similarities pala kami.'"
Samantala, pinayuhan naman ni Nadia si Sophia na huwag nang magbasa ng mga comments sa social media.
Saad niya, "Sabi ko nga sa kanya, 'Stop reading na mga comments kasi napakasakit when you know people are talking about your life na walang kaalam-alam sa pinagdadaanan niyo.'
"The right time will come naman, kasi hindi naman kayang ako lang mag-isa ang gumagawa ng paraan.
"Hindi rin naman po puwedeng siya lang ang gumagawa ng paraan."
Read: Nadia Montenegro on alleged daughter with Baron Geisler