JERRY OLEA:
There was a time na akala namin ay tuluyan nang bibitawan ni Arnold Vegafria ang pagma-manage kay Baron Geisler.
“Hindi! Nawala ako kay Arnold,” kuwento ni Baron sa birthday celebration ni Direk Brillante noong Hulyo 30, 2024, Martes, sa Secret Garden, Barangka Drive, Mandaluyong City.
“Binitawan niya ako. And then, nag-reconcile kami. Kasi, wala akong management. Nahirapan kami ni Jamie [wife ni Baron].
“And ayun, nagswak yung vision namin sa career ko. Kasi ahhh hopefully, ito open naman…
“Pinapasulat niya yung Juan Luna kay Sir Roy Iglesias. Nag-usap na kami sa phone.”
Baliw-baliw na karakter din ang pintor na si Juan Luna, na nagpinta ng Spoliarium.
“Yeah,” sambit ni Baron. “So inaasikaso na rin iyan ni Boss Arnold. Isa siya sa mga producer.
May mga international na partner.
“Di ba, sila ang gumawa ng Quezon’s Game [2018]? So hahatakin niya yung mga taong yun.”
BARON EXCITED GUMANAP BILANG TITLE ROLE NA BAYANI
Napatay ni Juan Luna ang kanyang asawa at mother-in-law…
“Ganito yun, we’re not showcasing that part. Of course, may quirks but we’ll showcase his brilliance,” pagmamatwid ni Baron.
“How he started, how he became the first ilustrado.”
Ilang beses nang gumanap si Baron na kontrabida sa historical films. First siyang gaganap bilang title role na bayani.
“Lagi akong Español dati. Like sa El Presidente (2012), saka sa Baler (2008). I’m praying na matuloy.”
Pinaghahandaan na ang pagsusyuting ng Juan Luna biopic. Umoo na sa project ang multi-awarded cinematographer ng GomBurZa na si Carlo Mendoza.
BARON, SOBRANG BUSY WITH OTHER TELESERYE, MOVIE PROJECTS
Sa ngayon ay mag-shoot muna si Baron ng Danggo movie with Cedrick Juan, Tirso Cruz III, at Bianca Umali, sa direksyon ni Catherine “CC” Camarillo.
Andiyan din ang maaksyong Kapamilya teleserye, kung saan co-stars niya sina Richard Gutierrez, Daniel Padilla, Ian Veneracion, Maris Racal, Anthony Jennings, at Kaila Estrada.
Lovable ang karakter dito ni Baron, hindi kontrabida.
May natapos nang Netflix original film si Baron, iyong The Delivery Rider kung saan lovable din ang karakter niya.
Malamang na late November or early December ang streaming niyon sa Netflix.
Read:
Baron Geisler plays one of the most difficult roles in his career
Why Doll House is Baron Geisler's "renaissance"
GORGY RULA:
Pagtatapat ni Baron Geisler, noong sinusyuting niya ang Netflix film na The Delivery Rider ay pinayuhan siya ng direktor na umiwas muna sa crazy characters.
“Sabi ni Direk Lester [Pimentel Ong],’Baka naapektuhan na ang psyche mo diyan, yung mental health mo.’
“So ayun, naisingit ako sa project na ito… Ang karakter ko dito, I’m a high functioning autistic person,” lahad ni Baron.
“Feeling ko nga… autistic ako, e.”
Sa dami ng projects ni Baron, hindi na siya kailangang mag-Vivamax. Nag-frontal nudity pa man din siya sa Lampas Langit (Agosto 2022).
“Yeah, yeah… nag-away kami ni misis noon. But now, we’re blessed with good projects,” saad ni Baron.
NOEL FERRER:
Naniniwala naman tayo na mahusay na aktor ni Baron Geisler at iyan ang hindi mawawala sa kanya.
BARON, SANA TULUY-TULOY NA ANG PAG-IWAS SA KONTROBERSYA
Alam din niya na hindi lang galing ang kailangan para magtagumpay sa industriya nating ito. Kailangan din ng disiplina at pakikisama.
For Baron, he had to learn it the hard way. Pero I hope it’s paying off now lalo pa’t subsob siya sa trabaho at maayos din ang kanyang buhay-pamilya.
Tama na muna ang kontrobersya. Focus na lang siya sa kanyang sining, ilayo sa intriga — at alcohol. All the best, Baron!
Read:
Baron Geisler, pinayuhan ang newbie stars na huwag siyang gayahin
Baron Geisler asked to comment on Nadia Montenegro's statement