Labis-labis ang lungkot na nararamdaman ng singer/songwriter/concert producer na si Ice Seguerra matapos ang pagpanaw ng ina niyang si Caridad Yamson Seguerra, o mas kilala sa showbiz bilang si Mommy Caring.
Binawian ng buhay si Mommy Caring kahapon, June 27, 2025.
Read: Ice Seguerra mourns the passing of Mommy Caring
ICE SEGUERRA HER HEART SHATTERED AFTER MOM'S DEATH
Tila dobleng kalungkutan naman ang nararamdaman ni Ice sa pagkamatay ng ina. Ngayong araw kasi, June 28, ang pag-release ng bago niyang kantang "Shelter of the Broken."
Ang "Shelter of the Broken" ay isang indie pop ballad na magiging unang single sa ilalabas niyang bagong album na Being Ice.
Sa Instagram kagabi, isang madamdaming post ang ibinahagi ni Ice.
Hindi na raw kasi nahintay ng ina ang paglabas ng kanyang bagong kanta.
Saad niya, "I was looking forward to June 28 because ngayon yung drop ng 'Shelter of the Broken.'
"We’ve been preparing for today for months now.
"Pero siguro gano'n talaga ang buhay. Instead of feeling excited, my heart is shattered because my mama passed away the morning of June 27th.
"Hindi mo man lang nahintay, mama."
Gayunpaman, masaya na rin daw siya dahil kahit papaano ay narinig naman ng kanyang ina ang kabuuan ng album noong ginagawa nila ito.
Iniaalay rin ni Ice ang "bawat awit at bawat letra" ng kanyang mga kanta sa pumanaw na ina.
Aniya, "Pero happy ako kasi kahit papaano, narinig mo yung buong album bago ka nawala. Sinabi mong proud ka sa akin at nagandahan ka sa mga kanta. Napanood mo pa yung shoot namin ng lyric video.
"At kahit wala ka na, sa bawat awit at bawat letra, nandoon ka. Sa bawat pagsampa ng entablado, kahit hindi na makikita, alam ko, nasa puso kita.
"Ang hirap, mama. Tulungan mo akong kayanin ‘to, ha.
"Mahal na mahal kita."
View this post on Instagram
Nagpaabot naman ng kanilang pakikiramay ang ilang celebrities kagaya nina Angeline Quinto, Karylle, at Ara Mina.
Nag-post na si Ice sa kanyang social media ng detalye ng wake ng kanyang ina.
Read: Female celebrity allegedly involved in case of missing sabungeros