Pinulis ng award-winning actress na si Nadine Lustre ang kumakalat na pekeng quote card tungkol sa paggamit umano niya ng "mirror method."
Noong July 29, 2025, isang unverified entertainment page ang nag-post sa Facebook tungkol sa diumano'y pahayag ni Nadine sa pagbibigay nito ng parehong enerhiya depende sa kung ano ang ibinibigay sa kanya ng iba.
Mababasa sa art card, kalakip ang litrato ni Nadine (published as is): "I started using the ‘Mirror Method’. ‘Di ka nila binati nung birthday mo? Don’t greet them also. ‘Di ka nila inaya sa gala, ‘wag mo din silang yayain. ‘Di ka nila chin-check? STOP checking on them too. Just give them the same energy they’re giving to you. Trust me, life feels light when you do this."
Napukaw ang atensiyon ni Nadine sa gawa-gawang art card.
Nitong Miyerkules, July 30, ibinahagi ito ng aktres sa pamamagitan ng social media para linawing wala siyang sinasabi o pinu-post patungkol sa paggamit ng mirror method.
"Parang di ko naman po sinabi yan," mababasang caption ni Nadine sa pekeng art card.
Sa comments section ng shared post ni Nadine ay may pahabol pang hirit ang aktres tungkol sa paggawa ng iba't ibang content tungkol sa kanya.
Ani Nadine (published as is), '"tong mga chismis blogs na to makapag post lang talaga ng content eh.. baka sa Q4 buntis nanaman ako ha?"
Read: Nadine Lustre Addresses Pregnancy Rumors
Dagdag pa niya, "Di ko nga alam kung ano yung mirror method na yan. Alam ko lang Mirror Mirror by M2M."
Ang "Mirror Mirror" ay isa sa hit songs ng Norwegian pop duo na M2M.
Nadine Lustre Airs Real Sentiments on Mirror Method
Sa hiwalay na Facebook post ay ibinahagi ni Nadine ang tunay niyang saloobin tungkol sa mirror method.
Ayon sa Science of People, ang mirror method sa konteksto ng pakikitungo sa iba ay isang behavioral or mindset approach kung saan ginagaya o ginagantihan mo ang energy, effort, o ugali ng ibang tao batay sa ipinapakita nila sa iyo.
Para raw itong salamin—kung ano ang ipinapakita at ibinibigay nila ay iyon din ang ibabalik mo.
Read: Rufa Mae Quinto's husband Trevor Magallanes dies
Ayon kay Nadine, hindi siya sumasang-ayon sa ideya na kung masama o hindi maganda ang pakikitungo sa iyo ay ganito rin ang dapat mong ipakita't iparamdam.
Pahayag ng aktres: "Just my two cents on the matter tho… I honestly don’t believe in mirroring coldness just because someone chose to forget, ignore, or not show up.
"Para sa akin, hindi mo kailangang suklian ang kakulangan ng iba. Mas mahalaga pa rin na piliin mong maging mabuti, kahit walang kapalit.
"Because kindness isn’t for them, it’s for your soul."
Ayon pa kay Nadine, kahit nasaktan ka ay dapat maganda pa rin ang hangarin mo—ang ikabubuti ng iyong kapwa.
"If sinaktan ka, and it’s gotten to the point where you no longer speak, still… always wish them well.
"You can cut them off. You don’t have to go back. You don’t have to reconnect. But you can let go with love. You can walk away without carrying heaviness in your heart.
"It’s not resentment that sets you free.
"It’s the quiet, steady peace of knowing you’ve already forgiven them, even if they never asked.
"You let go not because they deserve it, but because you deserve peace."
Read: Gela Alonte addresses previous comment about political dynasties
Sa huli, paalala ni Nadine, unahin palagi ang ikabubuti ng sarili at huwag hayaang manaig ang ego na sumisira sa peace of mind at kabutihan ng puso ng isang tao.
Saad niya: "Take care of your soul, not your ego.
"Remember, hindi yung kapwa mo yung nagki-keep tabs, It’s the universe.
"So keep choosing light. Keep choosing love.
"That’s where true healing lives. Trust me, life is so much better when you do this."