Masaya raw si Larkin Castor sa itinatakbo ng karera ngayon ng ex-girlfriend na si AZ Martinez.
Matapos hiranging Fourth Big Placer sa Pinoy Big Brother: Celebrity Collab Edition, kasama ang ka-duo niyang si River Joseph, nagsunud-sunod na ang mga proyekto ni AZ.
Read: AZ Martinez returns to music school after PBB stint
Sa 37th PMPC Star Awards for Television noong August 24, 2025, nakausap ng ilang entertainment press si Larkin.
Si Larkin ay nominado bilang Best New Male TV Personality para sa kanyang pagganap sa Mano Po Legacy: The Flower Sisters.
Natanong ang Sparkle artist tungkol sa kanyang buhay pag-ibig at kung paano niya hinarap ang kontrobersiyal na hiwalayan nila ni AZ.
Nakangiting sagot ni Larkin, "Eto, moved on naman na. I'm happy and I'm happy for her naman and I'm happy for myself."
Bagamat hindi nagbanggit ng pangalan si Larkin, masisiguro na ang kanyang pinapatungkulan ay ang dating nobya na si AZ.
AZ ENDED HER RELATIONSHIP WITH LARKIN INSIDE THE PBB HOUSE
Nahingan din ng reaksiyon si Larkin tungkol sa rebelasyon noon ni AZ sa loob ng Bahay Ni Kuya tungkol sa kinahantungan ng relasyon nila.
Pagtatapat noon ng aktres, bago pa man siya pumasok sa PBB house ay mayroon na silang "unresolved" issue ni Larkin at on-and-off na ang kanilang relasyon.
Hanggang sa makapasok siya sa loob ng Bahay Ni Kuya at makilala niya ang kapwa housemate na si Ralph de Leon, na kalauna'y nagustuhan niya.
Read: Ralph de Leon clarifies real score with AZ Martinez
Aminado noon si AZ na maging siya ay naguguluhan sa estado ng relasyon nila ni Larkin, dahil hindi raw malinaw kung sila o hindi na.
Sa isang episode ng PBB: Celebrity Collab ay ipinagtapat ni AZ na si Larkin ang nakipag-break sa kanya.
Aniya: "Three years na po kaming magkakilala [ni Larkin].
"Nag-start kami as best friends, within the two years, naging kami po.
"And bago po ako pumasok sa PBB, medyo on-and-off na po kami. Ilang beses po kaming nag-break.
"Noong birthday ko, which was a week before ako pumasok dito, nakipag-break na po talaga siya, kasi ayaw niya po na pumasok ako rito."
Makalipas ang ilang linggong pananatili ni AZ sa PBB house, ay nakatanggap siya ng regalong kuwintas at sulat mula kay Larkin.
Nakapaloob sa sulat ang mensahe ng paghihintay ni Larkin sa pagbabalik ni AZ sa outside world para sila'y makapag-usap nang maayos at masinsinan.
Mababasa rito: "Hi love, una sa lahat, I'm proud of you. I'm happy how you're slowly reaching your dreams.
"I've also heard and watch everything. Again, I'm really sorry that I haven't been the best partner to you.
"To be honest with you, the distance between us has been really difficult din for me. Pero I'm not letting it stop me from holding on to our promises.
"Lagi kong pinanghahawakan yung napag-usapan natin before you went in.
"I want you to know that I haven't given up waiting for you. Not because you ask but because ko ring maintindihan lahat ng maayos. Gusto kita maintindihan.
"For now, please stay happy because you deserve it. Mahal kita."
Read: Julius Babao "on leave" sa primetime news program ng TV5
Matapos mabasa, isang mahirap na desisyon ang ginawa ni AZ.
Bagamat naguguluhan ay tuluyan nang tinuldukan ni AZ ang relasyon niya kay Larkin.
Saad noon ni AZ kay Big Brother: "It's time to make it clear. I've been wanting a chance to talk to him especially regarding my questions, our unclear conversations.
"I appreaciate na nag-effort siya para magsulat ng letter for me.
"Sabi niya doon, he wasn't given up. And sobrang selfish ko if ipagpapatuloy ko pa rin na ganon, tapos ako masaya ako dito.
"I knew I had to say my decision. Baka kinailangan na itong gawin para hindi na siya masira, para hindi na siya masaktan.
"Gusto ko po sabihin sa kanya is, pinapalaya ko na po siya. Kung gusto pa rin po niyang maghintay, that's his choice po.
"Pero ayoko na po siyang kontrolin. Ayoko na siyang pilitin. Ayoko na siyang habulin or guluhin pa.
"Kasi alam ko na mas masisira at masasaktan lang siya if I leave him hanging."
LARKIN ADDRESSES AZ'S DECISION TO END THEIR RELATIONSHIP
Balik sa panayam ni Larkin sa 37th Star Awards for Television, natanong din siya kung ano ang naramdaman niya sa naging desisyon noon ni AZ.
Maging ang pagiging bukas nitong sabihin sa publiko na unti-unti na niyang nagugustuhan si Ralph de Leon.
Ayon kay Larkin, hindi niya masisisi si AZ kung ito ang naramdaman niya noon.
Naiintindihan daw niya ang dating nobya at nirerespeto nito kung anuman ang magiging desisyon ni AZ.
Saad ni Larkin: "I don't wanna say anything to put her in a bad light.
"Pero siguro wala, e, ayun yung nararamdaman niya. May sarili siyang nararamdaman, siguro sumabog lang bigla.
"Ako din, ganon din naman ako. So respect—nirerespeto ko na lang."
Dagdag pa niya, "It's her journey, this is her moment and deserve niya ito. Deserve niya ito."
Nakapag-usap na ba sila ni AZ makaraan nitong lumabas sa Bahay Ni Kuya?
Sagot ni Larkin, "Hindi, wala nang plans."
Kung saka-sakaling magkasalubong muli sila ng landas, hindi naman daw hahayaan ni Larkin na hindi batiin ang si AZ.
Pahayag niya, "Ako, maghe-hello naman ako, pero not to the point na mag-uusap pa kami.
"Siguro civil na lang may pinagsamahan naman kami."