Pumalag ang lifestyle vlogger at entrepreneur na si Camille Co matapos siyang idawit ng isang broadsheet sa kontrobersiyal na isyu ngayon tungkol sa "nepo babies."
Ang "nepo babies" ay tumutukoy sa mga kaanak at anak ng government contractors na nakakuha ng bilyong-pisong halaga ng kontrata para sa flood control projects ng Department of Public Works and Highways (DPWH).
Nadamay si Camille sa usapin dahil inakala ng ibang netizens na kaanak niya ang lifestyle vlogger ding si Claudine Co.
Read: Claudine Co, binabatikos dahil sa pagbalandra ng lavish lifestyle
Si Claudine ay anak ni Christopher Co, ang co-founder ng Hi-Tone Construction and Development Corporation.
Tiyuhin naman niya si Zaldy Co, ang chief executive officer ng Sunwest Group of Companies at incumbent Ako Bicol Partylist representative.
Binatikos nang husto si Claudine dahil sa pagpapakita ng lavish lifestyle nito sa kanyang vlogs.
Inakusahan siya ng netizens na galing sa buwis ng mga mamamayan ang kanyang mga luho sa buhay.
Nauna nang nilinaw ni Camille na wala siyang anumang koneksiyon kay Claudine.
Read: Who is Claudine Co?
CAMILLE CO SAYS BROADSHEET POST IS DAMAGING
Sa kanyang Instagram Story ngayong Miyerkules, September 3, 2025, ibinahagi ni Camille ang screenshot ng Facebook post ng isang broadsheet.
Makikita rito ang collage ng paparazzi shots ni Camille na kuha sa Preview Ball 2025 na ginanap sa Marriott Grand Ballroom, Newport World Resorts, Pasay City, Martes ng gabi, September 2.
Nakalagay na caption kalakip ng mga larawan ni Camille: "LIFESTYLE, CHECK!
"Camille Co is spotted amid influencers' nepo baby issue."
Pinalagan ni Camille ang pagtawag sa kanya bilang "nepo baby" na iniuugnay sa "flood control corruption."
Tinawag din niya ang pansin ng broadsheet upang bawiin at tanggalin ang maling impormasyon tungkol sa kanya.
Tahasan din niyang tinawag na "LIBEL" ang ipinost ng broadsheet.
Pahayag ni Camille sa kanyang caption (published as is): "since when have I been a nepo baby? You have falsely identified me as one of the nepo babies involved in flood control corruption.
"This is factually incorrect, damaging to my reputation and harmful to me and my family's safety.
"I demand an immediate retraction and removal of this false statement from ALL your platforms. Responsible journalism requires verifying facts before publishing.
"Please correct the record without delay. This is LIBEL."
Sa X (dating Twitter), hindi pa rin nagpaawat si Camille.
Sabi niya sa isang post: "You have falsely identified me as one of the nepo babies involved in flood control.
"This is factually incorrect, damaging to my reputation and harmful to me & my family's safety.
"I demand an immediate retraction & removal of this false statement from ALL your platforms. This is LIBEL"
BROADSHEET APOLOGIZES, BUT...
Nakarating ang reklamo ni Camille sa pamunuan ng broadsheet at naglabas sila ng apology.
Ngunit napansin ni Camille na pagkalipas lamang ng ilang sandali ay binura ng broadsheet ang apology at in-edit lamang ang original caption ng kanilang post.
Pakiwari ni Camille ay gina-gaslight ng broadsheet ang netizens para palabasing mali ang pagkakaintindi ng mga ito sa original caption na inilagay nila.
Saad niya: "They posted a public apology and then deleted it. (We have screenshots.) Then they decided to edit the original post only instead.
"And to cap it off, they’re now gaslighting people into thinking it was the netizens who took their original caption wrongly."
Kasunod niya pang mensahe: "Clearly covering their asses. I’m sorry I wasn’t born yesterday and have brains. I see you and I know what you’re doing."
Read: Vico Sotto, nag-react sa pagkawala ng luxury cars ng mga Discaya
camille says she's not milking the issue
Dahil sa paulit-ulit niyang pagkakadamay sa isyu ng nepo babies, naglabas muli ng klaripikasyon si Camille.
Nai-stress na raw siya sa pagkakaladkad sa kanyang pangalan sa isyung ibang tao dapat ang managot.
Mensahe niya: "It may have seemed funny at first but these past few days have been so stressful.
"I've been dragged into this mess so unfairly-not just with the mistaken identity but also asking me to be accountable for people I have zero control over."
Labinlimang taon daw ang binuno niya para marating ang kanyang estado ngayon, pero kahit kailan daw ay hindi siya nanggamit ng sinuman.
Hindi rin daw niya ginagatasan ang isyu kaya hindi siya nagpapa-interview sa TV dahil ayaw niyang malagay sa sentro ng atraksiyon sa maling paraan.
Saad ni Camille: "I have been in this industry for 15 years. FIFTEEN LONG YEARS to build my career and get to where I am now.
"FIFTEEN YEARS of building my reputation. I didn't know anyone in this industry. I started from zero.
"Never clinged to anyone for fame or clout despite various opportunities to do so.
"Never tried to climb the social ladder. Never even click baited you.
"Because I'm that adverse to fakery and infamy.
"So no, I'm not milking this (I've said no TV interviews about this even) nor do I want to take the spotlight and put it on me.
"Lord knows how anxious I get when I see my posts becoming viral because this means they'll soon reach people I don't normally reach-people outside my target demographic who honestly scare me.
"I like working diligently and quietly in my own way."
Ang gusto lamang daw niya ay maibalik ang panahong nagtatrabaho siya nang mapayapa.
Ang pagiging content creator daw ang itinuturing niyang "bread and butter."
Sabi pa niya: "Trust me. No one wants me to stop having to address this issue publicly over and over again more than me.
"I just want to go back to working like how I used to because content creation is my bread and butter. This is what I do for my family.
"It may be just a side hustle for some, a way to flaunt their lifestyle or gain fame but not for me.
"This is how I pay for our house, food, staff, my kids' education, everything.
"This is my livelihood. And my livelihood is so closely tied to MY NAME AND REPUTATION."
Giit pa ni Camille, kagaya ng ibang normal na mamamayan ay nanakawan din siya ng ibinayad na buwis.
Ngayon, parang pati ang kanyang pagkatao ay nanakaw na rin.
May mga suhestiyon na rin daw siyang narinig na magpalit ng apelyido at gamitin ang apelyido ng asawa, pero hindi raw niya ito gagawin.
Pinaghirapan daw niyang buuin ang kanyang pangalan.
Pahayag ni Camille: "Nanakawan na nga ako ng tax katulad niyo. Pati identity ko ninanakaw din.
"And to those telling me to change my last name na lang to my husband's.
"I know you mean well but why? Why will I allow these people to take away my name that I worked so hard to build and protect?
"I refuse to let them take my name from me. But thank you for reaching out."
Sa huli, nagpasalamat si Camille sa lahat ng mga sumusuporta sa kanya.
"Thank you to all my friends and even strangers for sending me heartwarming messages of support and most of all, helping me clear my name on these posts. You don't have to but you do. So thank you."