Humingi ng paumanhin ang OPM singer na si Maki sa lahat ng TWICE fans matapos nilang makatanggap ng batikos ng kanyang kapatid sa naganap na concert ng sikat na K-pop girl group.
Noong Sabado, October 4, 2025, muling bumisita sa Pilipinas ang TWICE para sa kanilang This Is For The World concert sa Philippine Arena sa Bulacan.
Dinaluhan ito ng libu-libong Pinoy ONCE (tawag sa fandom ng TWICE), kabilang na si Maki.
Read: TWICE's Manila Fan Meet: 10 Most Memorable Moments
Gayunpaman, ilang ONCE ang nag-call out kay Maki at sa kanyang kapatid na si Haro matapos silang ireklamo dahil umano sa hindi pagsunod sa concert etiquette.
Giit ng ilang concertgoers, ilang beses daw tumayo sina Maki at Haro mula sa kanilang VIP seated area tuwing sila ay nae-excite, dahilan upang maharangan ang mga manonood sa likuran.
Read: TikToker apologizes for flash incident at Olivia Rodrigo concert
Tweet ng isang netizen (published as is): "Sorry Maki, this ain't it. Hindi sapat na sa likod Nyo lang kinonsider nyo, pano ung nasa likod likod Nyo pa... Nag VIP standing na lang sana kayo kung tumatayo lang din kayo sa isang seated seat. Kung pinatayo sana tayo ng twice pwde pa, kaso hindi ee."
Himutok pa ng isang fan (published as is): "Thanks iguess sa Maki Likod VIP Experience. Rip sa mga fancams sa likod ninyo. This is not encore, guys — please be considerate of your surroundings!"
Saad pa ng isa (published as is): "gets ko yung inis ng ONCE. sana nag vip standing ka na lang, same naman ng presyo. naka perwisyo ka pa @maki."
MAKI APOLOGIZES to TWICE fans
Mabilis nakarating kay Maki ang reklamo sa kanila ng netizens.
Sa pamamagitan ng pagpu-post sa X (dating Twitter) nitong Linggo, October 5, ay humingi ng paumanhin ang "Dilaw" singer sa mga naperhuwisyo at naharangan nilang fans.
Read: Kristine Hermosa on "most beautiful" tag and beauty secret
Aminado si Maki na dahil nga sa excitement kaya sila napapatayo ng kanyang kapatid sa tuwing lumalabas o di kaya'y nagugustuhan nila ang performance ng K-pop group.
First time daw kasi nila ni Haro na dumalo sa ganoong klaseng K-pop concert kaya naman ganoon na lamang ang kanilang pananabik at excitement na makita sa malapitan ang kanilang iniidolo.
Mababasa sa post ng singer (published as is): "Before this day ends, I just want to tell everyone behind us during the concert that I sincerely apologize also in behalf of my siblings.
"if I could go back and undo it, I would.
"the least thing that I want to happen is to take someone else’s moment during the concert just so we could enjoy . it really wasn’t our intention and we got too excited.
"not that it’s an excuse but it really is our first time to this kpop concert culture exp since we’ve never been in any na we really know all the dance and songs.
"it was our dream to go there and I know it’s also yours too. I’m really sorry."
Pangako ni Maki na magiging leksyon sa kanila ng kanyang kapatid ang nangyari sa TWICE concert—na sa susunod ay makikiramdam na sila sa kanilang kapwa-concertgoers.
Kalakip nito ang pakiusap niyang tigilan na ang pandadawit at pamba-bash sa kapatid.
Aminado raw si Maki sa nagawa niyang pagkakamali at nangangakong hindi na ito mauulit.
Ani Maki (published as is): "best believe, next time around it will not happen again. I promise.
"lastly, just for the sake of letting everyone know, if we want people to learn from their mistakes, let’s stop calling them names. rather, to be constructive is the best way to let them learn from their mistakes. so, spare my brother on this, it was my fault for not teaching him well.
"sorry once."
MAKI'S FANS DEFEND SINGER FROM CRITICS
Samantala, sa kabila ng paghingi ng tawad ni Maki sa mga ONCE ay may ilan pa ring fans ang TWICE ang hindi ito tinanggap.
Mabilis namang dumepensa rito ang mga tagahanga ni Maki.
Sabi ng isa niyang fan (published as is): "Kahapon pako nagtitimpi sa issue about Maki dahil sa con ng twice, idk where to start pero please i know how many times he apologize kasi nasira yung moment nung mga nasa likod nila guys can we just normalize call out without any saying HARSH or BAD THINGS or kahit mura pa yan.
"Kasi tao lang din naman si Maki na may nararamdaman at maaari ding masaktan. Yes for sure masama loob nung mga yon (gets na gets ko yun) pero some other fans kasi ang pangit ng pagc call out, ayun lang... And sana wag na patagalin yung issue."
Saad pa ng isa (published as is): "Oa naman, nag sorry na nga ano pa bang gusto niyong gawin pabalikin ulit twice? Tsaka as if naman buong show nakatayo si maki oa talaga grabe."
Dagdag pa ng isa (published as is): "Not defending Maki pero gets nyo naman na may mga first timers talaga. No need to post and hate. Just bring awareness. Be kind ONCEs. Di tayo pinalaki ng TWICE na maging hateful."