Inalmahan ni Chie Filomeno ang labis na pamba-bash sa kanya ng ilang netizens mula nang napabalitang naghiwalay na sila ng aktor na si Jake Cuenca.
Sa Instagram ngayong Biyernes, October 10, 2025, nag-post si Chie ng larawan ng mga bulaklak.
May kasama itong quote na ginagamit tuwing World Teacher's Day. Mula ito sa isang kindergarten teacher ng Willard R. Abbott Elementary sa Philadelphia.
Bahagi ng quote, "People have thrown dirt on my name, others have given flowers. It’s all a garden to me.”
Hinaing ni Chie sa caption, kapag ipinagtanggol niya ang sarili ay may ilan pa ring hahanap at hahanap ng isang bagay para batikusin o maliitin siya.
Kapag nanahimik siya, pararatangan naman siyang guilty.
Litanya ng aktres: "Lagi naman ganun, no? When you finally stand up for yourself, some people will still find something to criticize or belittle you. If I stay silent, I’m guilty.
"Tagal niyo na ganyan—kahit anong issue, kahit sinong artista—wala pa rin kayong pagbabago hanggang ngayon. And then if I speak up, kasalanan ko na naman."
Bagamat nasabi na raw niya ito noon, sa pagkakataong ito ay papatulan na niya ang bashers.
Aniya: "I’ve already addressed these things before; ayaw ko na maging sirang plaka tulad niyo. Like I said—people will believe what they want to believe.
"Since patolera daw ako (kayo na rin nagsabi niyan [relieved face emoji]), I choose my battles wisely. Okay, this time… I’ll make patol."
Ayon kay Chie, hindi na niya hahayaang maliitin siya, lalo na ang mga malalapit sa kanya.
Nakita raw niya ang bashers na nagtatago sa mga bagong gawang account, dummy, o kaya mga naka-private para lang manakit ng iba.
Hindi raw ito tama at dapat nang tigilan.
Magsasalita pa din daw siya kung kinakailangan, lalo at tao lang daw siya.
Saad ni Chie: "I will not allow anyone to belittle me especially the people close to my heart. I’ve seen how some hide behind dummy accounts, private profiles, or worse—create new ones just to hurt others.
"That’s not right. Not right at all. Tigilan niyo na, please.
"I’m choosing to use my platform—this is me using my platform. It might not do much, but it’s about time people understand their boundaries. I will speak when I feel it’s necessary—dahil tao pa rin ako. Tao pa rin kami."
Sabi pa niya, magulo na ang mundo. Mas mabuting unahin daw natin ang tumulong sa mga biktima ng malakas na lindol sa Cebu at Davao Oriental.
Pagtatapos niya: "Ang ingay-ingay na ng mundo natin. Mas mabuti unahin na lang natin ang mas mahalagang bagay, tulad ng flood control at ang malakas na lindol sa Cebu at Davao.
"Let’s also pray for those affected by the earthquake and the floods. Hindi yung buhay ng ibang tao ang inaatupag niyo. [heart emoji]"
View this post on Instagram
Read: Jake Cuenca reveals going through breakup alone and in private
CHIE REQUESTS FOR PRIVACY; JAKE REVEALS "NO BREAKUP" BREAKUP
Nauna nang hiniling ni Chie sa publiko na huwag nang idamay ang pangalan ng mga Lhuillier ng Cebu sa kung anumang isyung kinasasangkutan niya sa kasalukuyan.
Nauugnay ang pangalan ni Chie kay Matthew Lhuillier, na mula sa kilalang angkan at mga negosyante sa Cebu, matapos pumutok ang balitang hiwalay na sila ni Jake.
Nakiusap siyang huwag nang idamay ang mga Lhuillier dahil mga pribadong tao raw ang mga ito.
Saad ni Chie: "I've been reading and hearing a lot these past few days and I ask that my past relationship, my present life, and the Lhuillier family be left out of this issue.
"They don't deserve to be dragged into something that has nothing to do with them.
"No further statements will be made at this time. I kindly ask that people refrain from speculation or intrusions into my private affairs.
"Thank you for your understanding and cooperation."
Read: Chie Filomeno seeks privacy amid Matthew Lhuillier rumors
Sa panayam naman ng PEP.ph (Philippine Entertainment Portal) kay Jake, inamin nitong nasaktan siya sa pagtatapos ng kanilang relasyon. Pero minahal daw niya si Chie, kahit hindi niya tuwirang binanggit ang pangalan nito.
Ayon kay Jake: "I'm good at least... it's a lot to take, di ba? It's a little bit... ang daming nangyayari. Ang daming sinasabi ng mga tao.
"But, siguro I can officially say that that chapter of my life is over now."
Rebelasyon din ni Jake, walang nangyaring hiwalayan sa pagitan nila.
Aniya, "There wasn't a breakup. Yeah, there was no breakup."
Read: Jake Cuenca closes chapter of his life with Chie Filomeno