Magkasamang dumalo sina Cristine Reyes at Gio Tingson sa book launch ng Here & Now: Moment to Moment, na sinulat ng life coach na si Pia Acevedo.
Nangyari ang intimate event noong October 15, 2025, Miyerkules, sa Pavilion 1, Samba, Shangri-La at the Fort sa Bonifacio Global City.
Si Gio ang napapabalitang boyfriend ng aktres.
Bago nagkaroon ng interview kasama ang piling miyembro ng media, kabilang ang PEP.ph (Philippine Entetrainment Portal), namataan ang couple na sweet na sweet habang magkatabing kumakain sa venue.
May punto pang sumandal si Cristine sa balikat ni Gio.
So, sila na ba?
Habang katabi si Gio, nakangiti at deretsahang sinabi ng aktres na “very, very happy" siya.
Mukhang sigurado rin siya sa pag-ibig na ito.
Dagdag niya, “Super happy, and it's different when you know you're with the right person in your life."
Pero pinutol niya agad ang topic tungkol sa kanila ni Gio sa pagsasabing, "Okay na iyan."
Read: Mayor Vico Sotto learns how to generate fancy fonts
WHO IS GIO TINGSON?
Samantala, sa mga hindi pa lubusang kilala ang lalaking nagpapatibok sa puso ni Cristine, si Gio ang current head of public affairs ng Grab.
Bago siya nag-corporate, naging active siya sa mundo ng pulitika.
Nagsilbi siya bilang National Youth Commission chairperson mula 2014 hanggang 2016 at chief political officer ni Senator Bam Aquino mula 2016 hanggang 2018.
Naging chairperson din siya ng Akbayan Citizens Action Party mula 2018 hanggang 2022, at associate lawyer sa isang law firm mula 2019 hanggang 2021.
Nagtapos si Gio ng AB Philosophy sa Ateneo de Manila University noong 2010, at nagtapos ng abogasya sa Arellano University noong 2018.
Read: Bea Alonzo’s birthday surprise with BF Vincent Co goes viral
CRISTINE REYES'S LIFE COACH
Samantala, napag-usapan din ang tungkol sa pagkakaroon ni Cristine ng life coach sa katauhan ni Pia, na nakilala niya "through common friends."
Mayroon ba siyang life mantra o advice na sinusunod mula kay Pia?
“Meron, moment to moment,” at tumawa si Cristine bilang pagtukoy sa titulo ng libro ni Pia.
“Kasi di ba ako, based on my experience, moment to moment, minsan nani-neglect na natin yung mga simple things in life.
“So, for me, I'm already 36, so I'm not saying naman that I'm old, but I've just been, you know, working since I was 14.
"So 20 plus years na rin yun, di ba? So it's important to cherish every moment that you have. With you guys, like right now, this is actually a moment.
“So sometimes, we neglect those things.”
May anak na babae si Cristine sa ex-husband niyang si Ali Khatibi—si Amarah, ten years old.
Kailangan din ba ng mga ina ang isang life coach lalo't walang kapaguran ang real-life role na ito?
"Bawal mapagod as a mom? Actually, in every stage of your life, you need guidance, di ba? Di ba sa school, you have a guidance counselor?
“Parang for me, every stage of your life, you need guidance. Para lang you need a helping hand because we all need someone to help us.
“Hindi tayo puwedeng stand-alone, kasi ang hirap nun, bitbit mo yung mundo nun.
“So especially if you're a mom and you have your career also, you know, me, I'm a single mom, so parang mahirap din.
"And you need someone to guide you, like Coach Pia.
“Talagang it's different when you talk to someone about your life.”
How did she choose a life coach?
“Well, how do you realize if your coach is genuine? I think there should be a connection between the two of you.
“Yung connection is something that it feels, it should be light, it shouldn't be like something na uncomfortable ka to talk about yourself or your life, to talk about anything under the sun with her.
“So kailangan, it should be, first, comfortable; second, you feel that you both are honest with each other, kasi you need to click, e.”
Pagdating naman sa career, importante raw ang pagkakaroon ng reality check at ang pagtanggap sa kanyang sitwasyon.
Ani Cristine: "It helps because sometimes, like me, with my line of work, hindi kami private, e.
"Kumbaga kapag lalabas kami, sometimes, you still need to work, di ba?
“You still need to entertain some people, take photos.
“Even if you're having a bad day, sometimes, hindi puwedeng bad day ka, di ba, hindi mo puwedeng [hindi] pagbigyan.
“So for us, it helps. Mga public figures especially, kasi nakaka-drain din, e. It really helps us.”