Pumanaw na ang beteranong aktor na si Dwight Gaston.
Siya ay 66.
Ang malungkot na balita sa kanyang pagpanaw ay kinumpirma ng malapit niyang kaibigan sa showbiz industry na si Joel Torre.
Read: Joel Torre, 63, artista mula edad 7: "Hindi ito trabaho."
Ngayong Huwebes, October 23, 2025, nang mag-post sa Facebook si Joel ng mga litrato nila ni Dwight noong ito ay nabubuhay pa.
Kalakip nito ay mga alaala ni Joel sa halos limang dekada nilang pagkakaibigan ni Dwight.
Pagbabalik-tanaw ni Joel, "Oh Dwight, the umbilical cord has been cut.
"After more than 50 Years of friendship, from the first play we co-directed through the Maskara Theater years, the Los Curachas, the Yamuhat Festivals, from Oro, Plata, Mata to Amigo, those creative times and laughter was at its best."
Read: Mich Liggayu mourns the passing of Davey Langit
Kuwento pa ng award-winning actor na si Joel, kahit na may dinaramdam ay hindi nagpatinag si Dwight na pasayahin ang mga taong nakapaligid dito.
Bentang-benta raw kay Joel ang sense of humor ni Dwight na tiyak na mami-miss niya sa aktor.
Lahad ni Joel: "Even the time you knew of your last few days, your incredible humor was still on full display.
"At my lowest time you said it best, ‘this too shall pass.’ How I wish I could say the same farewell thee my dearest friend.
"As in Black Comedy, they say, ‘the bigger the laughter, the deeper the pain.’ '
"The last time I visited you we laughed so hard, I had to leave for you to rest.
"And as I cry, that laughter lingers for I know that umbilical cord of ours shall always be there."
Dagdag pa niya, "Love Gid Ya! Your dearest friend, Joel."
Habang isinusulat ang artikulong ito ay wala pang inilalabas na pahayag ang pamilyang naulila ni Dwight tungkol sa dahilan ng pagpanaw ng beteranong aktor.
DWIGHT GASTON’S FILMS
Bukod sa pelikulang Oro, Plata, Mata (1982) at Amigo (2010), ilan pang Pinoy classic films ang sinalihan ni Dwight kabilang na ang Scorpio Nights (1985), Maalaala Mo Kaya: The Movie (1994), Batang Z (1996), Tiktik: The Aswang Chronicles (2012), at Agaton and Mindy (2009).
Naging screenwriter din siya ng ilang sikat na pelikula gaya ng Shake, Rattle, and Roll 2 (1990), Minsan Ko Lang Sasabihin (2000), Banyo Queen (2001), at Gagamboy (2004).
Maliban sa pagganap at paggawa ng pelikula, nakilala rin si Dwight sa hit kids’ show na Batibot na umere mula 1984 hanggang 2002, kunsaan siya gumanap bilang si Kuya Dwight.
Read: Jillian Ward, nagsalita tungkol sa paghihiwalay ng mga magulang