Pinalagan ng Kapuso actor na si Will Ashley ang bashers niyang idinadamay pati ang kanyang mga mahal sa buhay—lalo na ang nananahimik niyang ina.
Sa X (dating Twitter) ngayong Lunes, November 3, 2025, naglabas ng sama ng loob si Will sa aniya’y hindi makatarungang mga batikos na natatanggap niya, kahit wala naman daw siyang ginagawang masama.
Read: Will Ashley speaks up on WillCa-DustBia fan war
Kalakip ng kanyang pahayag ang screenshot ng ilan sa mga nakababahalang hate messages na ipinadala sa kanya via direct message ng kanyang bashers.
Mababasa sa post ng dating Pinoy Big Brother (PBB): Celebrity Collab Edition housemate (published as is): “I’ve been getting a lot of messages saying they hope my mom dies. Bakit umabot tayo sa ganyan?
"Last week lang, nagkaroon ng online reflection about bullying and mental health, tapos lumala this week?
"We are just doing our job, working for our craft, our art—bakit kailangan itapon natin ang morality?
"O baka sadyang masama lang talaga kayong tao and can’t wait to wish ill on others.”
Read: Senator JV Ejercito, naghain sa Senado ng Emman Atienza Bill
Diin pa ni Will: “Wala kaming ninanakaw, wala kaming sinasaktan o tinatapakan, lalo na ang pamilya ko.
"Save your outrage for people who are doing evil, not people who are just making art.”
Read: Celebrities urge kindness amid rising mental health struggles
Bukod sa kanyang ina, kinuwestiyon din ni Will ang pandadamay ng bashers sa kanyang mga kaibigan.
Masakit daw para sa aktor na pati ang mga ito ay hindi tinatantanan ng netizens na galit na galit sa kanya.
Ani Will (published as is): “Also, my friends know better than you. Bakit sila nadadamay?
"Pati support system who keep us afloat and are there during the private moments of our lives, nadadrag ng walang dahilan.”
Sinabi rin ng aktor na pati ang ilang kapwa niya PBB: Celebrity Collab housemates ay nakararanas ng matinding bashing kagaya niya.
May ilan daw kasi ang nag-aakalang "PR" o strategic management move lamang ang magandang samahan na nabuo nila sa loob ng Bahay Ni Kuya—bagay na mariing itinanggi ni Will.
Saad niya: “And this isn’t just happening to me, pati sa ibang housemates. We built a strong bond in the house, hindi n’yo ito masisira.
"Not everything we do is a calculated PR move, we are humans too.
"4 months kaming magkakasama, supporting each other every day through some of the toughest days of our lives, so obviously close talaga kami.
"Sana all the fans, including the very few of mine na gumagawa nito, let’s tone it down please.
"Lahat kami, we are just working for our dreams. Lahat kami, mahal ang trabaho namin.”
Read: Kim Atienza calls for compassion, kindness after daughter's death
WILL mulls legal action against bashers
Dahil sa lumalalang bashing, nakahanda raw si Will na gumawa ng legal na hakbang para panagutin ang mga taong nasa likod ng paninira at pananakot sa kanya at sa mga mahal niya sa buhay.
Sabi niya: “I am consulting now for legal options in case this doesn’t stop.
"I don’t want to tolerate this hate anymore na ibinabato n’yo sa kahit sino. Not me, not my friends, and especially not my family.
"This is not a good use of our limited time on earth. Sana use your time to spread love, positivity, and support.”
Read: Will Ashley admits Mika Salamanca is his type among PBB housemates
Sa kabila ng mga batikos, buong-pusong nagpasalamat si Will sa mga tagahanga sa patuloy na suporta at pagtatanggol sa kanya,
Mensahe niya: “Lastly, thank you to my fans who fight for me kahit minsan mahirap.
"Maraming salamat sa pagsama pa rin sa akin sa journey ko.
"Kayo ang lakas ko. Know I appreciate you all and mahal ko kayong lahat.”