Sa kauna-unahang pagkakataon ay binigyang linaw ni Jackie Lou Blanco ang usaping “Si Aida, si Lorna, at si Fe” na una niyang ibinunyag sa burol ng kanyang yumaong asawang si Ricky Davao.
Ang tinuran ng aktres ay ang titulo ng hit song ni Marco Sison na "Si Aida, Si Lorna O Si Fe."
Ito rin ang titulo ng pelikulang pinagbidahan nina Miguel Rodriguez, Carmi Martin, Aurora Sevilla, at ni Jackie Lou mismo noong 1989.
Ang kanta at pelikula ay tungkol sa isang lalakeng nagmahal ng tatlong babae.
Sa lamay para sa mga labi ni Ricky noong May 6, 2025, sa Heritage Park Chapels sa Taguig City, isa sa madamdaming tagpo ay ang yakapan nina Jackie at Mayeth Malca Darroca.
Si Malca ang non-showbiz partner ni Ricky. Naging magkarelasyon sila mula taong 2022.
Si Jackie Lou ang huling nagbigay ng eulogy, at hindi niya pinalampas ang pagkakataong pasalamatan si Malca.
Emosyunal man si Jackie Lou sa kanyang eulogy, nagkaroon din ng light moments.
Lalo na nang ibahagi niyang tatlo silang babaeng malapit sa puso ni Ricky na nakasama nito hanggang sa huling mga sandali ng buhay ng aktor.
Ang isa pa ay si Cheryl Singzon.
Read: Jackie Lou Blanco introduces other women in Ricky Davao's life
JACKIE LOU BLANCO AND THE STORY BEHIND “Si Aida, si Lorna, at si Fe”
Kahit naghiwalay sila ni Ricky noon, hindi naman daw natigil ang pagmamahal ni Jackie Lou sa mister.
Saad ni Jackie Lou: "The only thing that was left is love. I, I realized that I never stopped loving Direk Ricky.
"It may have been a different kind of love, but it is still love. So that's something that I've realized, especially with him."
Ikinagulat marahil ng ibang tao na nabalitaan ang kuwento niya tungkol sa tatlong babae sa buhay ni Ricky noong lamay, pero isa raw itong kaganapan sa buhay nila na hindi na kailangan pang pag-usapan sa publiko.
Lahad ni Jackie Lou ukol dito: "When Direk Ricky was still in the hospital, kasi siyempre all of us were helping each other, di ba?
"The girlfriend of Direk Ricky, ako, tapos yung mom nung isang anak ni Direk Ricky.
"We were all fighting for the same cause. Let's just put it that way.
"So, I was there supporting my kids. Yung girlfriend naman niya, physically taking care of him.
"And then, the mom of the youngest of Direk Ricky would be there to support all of us and her daughter, of course.
"So, ang naging joke ko na yun na Aida-Lorna affair, parang wala lang, kasi nga tatlo kami, di ba?"
Parang sa mga sitwasyong ganoon ay hindi na raw nila naisip kung sino sila sa buhay ni Ricky noon.
Ani Jackie Lou: "I think that's what made it siguro, I guess, easier for me to accept the situation is because all of us were there to be of help sa situation, di ba?
"So, parang pagdating naman sa ganoon, parang I think it was automatic na all of us, kung ano man yung feelings mo about certain things or not, it doesn't matter, e.
"That is put on the side and you're there to do what you need to do—talk to the doctors, do this and that.
"So, parang all of us were on the same page. So, hindi siya naging mahirap at all talaga."
Ayon pa kay Jackie Lou, hindi naman na ito kailangan pang ikuwento sa publiko dahil nagkaintindihan naman sila.
"Yes, because that's not something naman also you need to talk about or you need to... hindi na kailangan, e.
"I just really felt that I needed to acknowledge those that did what they needed to do.
"And that was, um, his girlfriend, that was the mom, and that was all our children, di ba?
"Everybody really helped, helped us as a family."
Pero hindi ito nangyayari sa ibang pamilya na may kahalintulad na sitwasyon.
"Yes, actually oo, oo nga, hindi siya nangyayari," pagsang-ayon ni Jackie Lou.
"But you know, ako siguro iniisip ko na lang na kung, kung let's say ang papairalin ko, if I was bitter... kasi I'm... I was never bitter naman, di ba?
"I mean, accepted ko yun.
"I think ang inisip ko as a mom lalo na, kung hindi ako magiging okay sa mga naging o sa naging karelasyon or sa karelasyon ni Direk Ricky, hindi rin magiging okay yung mga anak ko.
"So, kung makikita nilang okay si Mama, okay din sila, di ba?
"And with the situation nga with Direk Ricky getting sick, hindi naman talaga makakatulong yung angst mo or yung bitterness mo. That won't help, e.
"You don't need those extra feelings because it won't help Direk Ricky in his situation. So that was my mindset."
Nakausap ng PEP.ph (Philippine Entertainment Portal) si Jackie Lou sa table-to-table interview ng upcoming afternoon drama series ng GMA-7 na House of Lies.
Kasama ni Jackie Lou sa show sina Kris Bernal, Beauty Gonzalez, Mike Tan, Martin del Rosario, at marami pang iba.
Magsisismula itong mapanood sa GMA Afternoon Prime sa 19, 2026, 3:20 P.M.
Read: Onemig Bondoc, Aiko Melendez "happy together... after 29 years"