Hangga't maaari ay ayaw raw magsalita ni Beauty Gonzalez tungkol sa mga kaganapan sa personal na buhay ng kanyang mga kabigan.
Sa mediacon ng bagong Kapuso teleserye na House of Lies noong Lunes, January 12, 2026, kinumusta sa kanya ng entertainment press, kabilang na ang PEP.ph (Philippine Entertainment Portal), ang matalik niyang kaibigan na si Ellen Adarna.
Hindi naman lingid sa kaalaman ng marami na kahihiwalay lang ni Ellen sa estranged husband nitong si Derek Ramsay.
Read: Ellen Adarna reveals husband Derek Ramsay’s supposed infidelity
Saad ni Beauty: "Ellen is doing fine. She's f*ck*ng sexy and beautiful. Nakakainis!
"Which is good kasi, di ba, you have to look beautiful and move forward.
"So I'm really happy for her. I'm happy for her peace of mind."
Hanggang doon lang daw ang masasabi ni Beauty tungkol kay Ellen.
Paliwanag niya: "And that's all I can say 'cause I don't like talking about my friends so much 'cause I really don't know what's happening with their lives, e.
"Basta if people don't get your... if people don't get your vibe, change the people, not your vibe."
Alam din daw ni Beauty na hindi nangangailangan ng suporta si Ellen. Hindi na raw kasi bago sa kaibigan ang ganitong klaseng sitwasyon.
"She doesn't need support, e. It's not her new... it's not her new thing, di ba?
"It happened na before with... with many relationships. So, I think she knows how to handle herself.
"And iba talaga when you're a woman, when you have a choice. So she's very lucky.
"Yeah. Proud ako sa kanya.
"And I don't really wanna talk so much kasi mahilig siya mag-announce sa Instagram kaya..."
Read: Ellen Adarna disputes Derek Ramsay’s "never cursed my wife" claim
BEAUTY GONZALEZ AND HER "MABAIT" ROLE IN HOUSE OF LIES
Maganda ang salubong ng 2026 para kay Beauty dahil may bago siyang afternoon drama series na pinagbibidahan, ang House of Lies ng GMA-7.
Umiikot ang kuwento ng House of Lies sa bangayan ng dalawang babae na pursigidong matupad ang kanilang mga pangarap sa buhay at maprotektahan ang kanilang pamilya.
Kuwento ito ni Marjorie, played by Beauty, na asawa ni Paolo, na ginagampanan ni Mike Tan.
Makakalaban ni Marjorie si Althea, na ginagampanan ni Kris Bernal, bilang asawa ni Edward (Martin del Rosario), na kapatid ni Paolo.
Heredero ng Torrecampo Realty sina Paolo at Edward.
Devoted mother ang role ni Beauty, at high-maintenance and insecure woman naman si Kris.
Kuwento ni Beauty sa kanyang karakter: "I am playing Marjorie Castillo in my new show House of Lies, isang bahay na itinayo ng kasinungalingan at gigibain ng katotohanan.
"At ako lang ang yung walang alam sa katotohanan dito.
"Yeah, it's a story about, like, a bunch of nice people behaving badly, except me."
Mabait siya dito?
Nakangiting sagot ng aktres: "Yeah, yeah, yeah. Yeah, mabait, sobra.
"Like, natatawa nga ako kay Direk [Jerry Lopez Sineneng], yung iba-ibang hugot ng mga iyak ko, kasi talagang andaming pinagdadaanan ng character ko dito.
"So, alam mo yun, minsan yung iyak mo hindi naman isang tono. Talagang iba't iba talaga. Di ko ma-explain."
Araw-araw siyang umiiyak sa show?
Aniya, "Yeah, ganung level. But you know what? I mean, like, I love what I'm doing. I'm not complaining naman.
"Just so hard pag may sipon ka. Sh*t. Parang may migraine ka."
Dagdag pa ni Beauty: "I mean, this is where I started. Sa Kadenang Ginto, ganun din naman ako. Iyak ako every day.
"Pero di naman ako yung sobrang umiiyak na hindi ako... walang palaban. Lumalaban din ako."
Ang Kadenang Ginto ay defunct ABS-CBN drama series na umere mula taong 2018 hanggang 2020.
Read: Kadenang Ginto gets extended until 2020; teen cast members tell stories about viral scenes
Hindi katulad ng ibang mga artista, sa istorya raw humuhugot si Beauty sa pag-arte.
Saad niya: "Anong hugot ko? Hugot ko is basically the story.
"Di ako humuhugot sa sarili kong buhay kasi wala, I mean, like, I have past challenges pero di ko siya ma-apply sa buhay ko.
"Parang iba tuloy lumalabas na emotion ko.
"And actually, every time I have a new project, I always get surprised with the personality of the character that I'm portraying.
"Kasi slowly by slowly, maki-create mo yung sariling personality nung character based on anong istorya nung writer na ginawa."
Bukod kina Beauty, Kris, Mike, at Martin, kasama rin sa cast ng House of Lies sina Jackie Lou Blanco, Lito Pimentel, at Snooky Serna.
Gayundin ang Sparkle artists na sina Kayla Davies, Angel Cadao, Geo Mhanna, at Kokoy de Santos.
Kasama rin sa cast sina Tanya Gomez, Patricia Tumulak, at Gee Canlas.
Magsisimula na itong mapanood sa GMA Afternoon Prime sa January 19, 2026, 3:20 P.M.
Read: Jackie Lou explains the story behind "Si Aida, Si Lorna at Si Fe"