Hindi inurungan ng TV host-actress na si Toni Gonzaga ang netizens na nag-uugnay sa kanya sa isang blind item tungkol sa umano’y gusot sa relasyon nila ng asawang si Paul Soriano.
Ilang araw nang usap-usapan online ang isang blind item tungkol sa isang “power couple” na may mala-fairytale marriage ang public image sa showbiz, ngunit diumano’y may itinatagong problema sa kanilang pagsasama.
Read: Toni Gonzaga: unbothered by controversies, uncowed by critics
Ayon sa blind item, ilang beses umanong nambabae ang mister, na naging dahilan para mapaiyak ang misis sa harap ng kanyang mga kaibigan matapos niya umanong mahuli ang asawa.
Sa kabila ng umano’y third-party issue, handa raw magtiis at magpatawad ang misis.
Dahil dito, kanya-kanyang hula ang mga netizen kung sino ang tinutukoy na “power couple” sa blind item.
Ilang celebrity couples ang nadawit sa usapin, kabilang na sina Toni at Paul.
TONI REACTS TO “POWER COUPLE” BLIND ITEM
Nitong Martes, January 13, 2026, habang nagla-live selling ng antioxidant products si Toni, inulan ng mga komentong may kaugnayan sa nasabing blind item ang kanyang live.
Marami sa mga manonood ang nagtanong sa comments section kung may katotohanan ang haka-hakang sina Toni at Paul ang tinutukoy sa blind item.
Sa halip na direktang sagutin ang isyu, ginamit ni Toni ang pagkakataon upang iugnay ang kanyang sagot sa produktong kanyang ibinebenta.
Pahayag ni Toni: “Do not waste time sa mga nonsense, okay? It’s a waste.
"Ang mga waste dapat pina-flush sa CR, okay?
"Katulad nito, umiinom ako ng antioxidant, so lahat ng waste in my body, ipa-flush natin yan sa CR."
Tinawag din ni Toni na “walang silbi” ang mga tanong sa comments section na may kaugnayan sa umano’y gusot nilang mag-asawa.
Aniya, “Just like yung ibang katanungan ng mga tao rito na wala namang silbi [at] pupuntahan ng mga ganyang questions.”
A COUPLE OF DENIALS
Samantala, bukod kay Toni, ilang celebrity couples na rin ang nagbigay ng reaksiyon at itinanggi na sila ang tinutukoy sa blind item.
Kabilang dito ang mag-asawang Luis Manzano at Jessy Mendiola.
Read: Luis Manzano reacts to power-couple blind item
Maging sina Marian Rivera at Dingdong Dantes ay mariin ding itinanggi na sila ang “power couple” na binabanggit.
Read: Marian Rivera says “power couple” blind item not her and Dingdong