Umalis na ng Australia si Anne Curtis matapos ang ilang linggong pamamalagi roon dahil sa pagpanaw ng kanyang amang si James Curtis-Smith.
Pumanaw si James sa edad na 82 noong January 2, 2026.
Pero noong January 7 lamang ito inanunsiyo ni Anne at kapatid na si Jasmine Curtis-Smith.
Read: Anne and Jasmine announce passing of dad James Smith
Bago pa man naglabas ng abiso sina Anne at Jasmine tungkol sa kamatayan ng ama, nauna nang lumabas ang death notice nito sa The Crains Post, base sa ulat ng Cabinet Files.
Si James ay isang abogado at dating opisyal ng Royal Australian Navy.
Read: Ama nina Anne Curtis at Jasmine Curtis-Smith sa Australia pumanaw
ANNE CURTIS: I’ll see you when I see you
Sa Instagram ngayong Biyernes, January 16, 2026, nagbahagi ng ilang larawan si Anne noong nabubuhay pa ang ama.
Kabilang na rito ang larawan nilang mag-ama habang naglalakad nang ikasal si Anne kay Erwan Heussaff sa New Zealand noong November 12, 2017.
May nakalapat itong kantang "Moon River" ni Audrey Hepburn.
Mensahe pa ni Anne sa caption, lumipas man daw ang kalungkutang kanilang nararamdaman, palagi raw niyang babalik-balikan ang magagandang alaala niya kasama ang ama.
Saad ni Anne: "Left Australia with a heavy heart, yet in my memories, we’ll never part dad.
"'I’ll see you when I see you,' my huckleberry friend, my gentle giant, my father dearest —always, until then. “ [dove emoji]…..
"The grief comes in waves. The pain may pass (occasionally popping in to say hi) but remembering the special little moments I had with Dad is something I’ll always do. [white heart emoji]"
Nagpasalamat din si Anne sa lahat ng nakiramay sa kanila.
Excited na rin daw siyang magbalik-trabaho sa It's Showtime dahil kailangan din niyang tumawa at sumaya.
Pagtatapos ni Anne: "I haven’t been able to read all of the messages but thank you to everyone who sent their condolences. [white heart emoji]
"See you guys on Showtime soon, need me some of that endless laughter [face holding back tears emoji]"
View this post on Instagram
Read: Chariz Solomon opens up about childhood sexual, physical abuse