Patung-patong na charges ang inihain ng Office of the Ombudsman laban sa dating senador na si Bong Revilla at anim na kawani ng Department of Public Works and Highways (DPWH), kabilang sina former Bulacan Assistant District Engineer Bryce Hernandez at Engineer JP Mendoza.
Nitong Biyernes, January 16, 2026, personal na nagtungo sa Sandiganbayan si Assistant Ombudsman Mico Clavano para pormal na magsampa ng graft o katiwalain at malversation o paggalaw sa pondo ng bayan sa hindi tamang paraan laban sa mga akusado.
Read: Philippine Flood Control Corruption: A Timeline
Ayon kay Clavano, mayroong probable cause ang mga charges dahil sa umano'y pagsasabwatan nilang kumubra ng milyu-milyong pondo mula sa isang proyektong idineklarang natapos na, pero hindi pala naipatupad.
"The Ombudsman will pursue these cases firmly, independently, and without fear or favor.
"The information alleges that the respondents conspired to facilitate the release of approximately PHP76 million for the supposed construction of a flood control project in Purok 5, Barangay Bunsuran, Pandi, Bulacan.
"A project which, based on official inspection and witness accounts, was never implemented," pahayag ni Clavano.
Read: Revilla, Estrada, Escudero kasama sa iisyuhan ng arrest warrants
Lumabas din sa imbestigasyon ng Ombudsman na pineke raw ng mga akusado ang kanilang mga accomplishment report, billing documents, at disbursement vouchers para sa nasabing proyekto.
Bukod kina Revilla, Hernandez, at Mendoza, kinasuhan din sina Engineer Arjay Domasig, Emelita Juat, Juanito Mendoza, at Christina Pineda.
Read: Gov't official na sangkot umano sa flood control issue, may Porsche collection
Nirekomenda na ng prosecution ang no bail o walang piyansa para sa malversation charge.
Nagsumite na rin ito ng urgent motion para i-raffle agad ang mga kaso at ilabas ang warrant of arrest at hold departure order laban sa mga akusado nang hindi na sila makalabas pa ng bansa.
BONG REVILLA ALLEGED INVOLVEMENT IN FLOOD CONTROL SCANDAL
Matatandaang nadawit si Revilla sa flood control scandal makaraang isiwalat ni dating DPWH Undersecretary Roberto Bernardo sa Senate Blue Ribbon Commitee na tumanggap ang dating senador ng PHP125 million na kickback mula sa pondo ng flood control projects noong 2024.
Read: Bong Revilla nag-react sa statements ni ex-DPWH Usec. Bernardo
Bukod pa rito ang karagdagang PHP24 million na inihatid umano ng kanyang staff sa bahay rin Revilla bago ang halalan 2025, kapalit ng kanyang pag-endorso umano sa flood control projects.
Read: Bong Revilla, Martin Romualdez strongly deny allegations
Ang testimonya rin ni Bernardo ang naging basehan ng rekomendasyon ng Independent Commission for Infrastructure (ICI) na sampahan si Revilla ng kasong kriminal at administratibo.
Read: Bong Revilla, dismayado sa rekomendasyon ng ICI na kasuhan siya