"It’s non-existent."
Ito ang nakakaintrigang sagot ni Senator Sherwin Gatchalian nang matanong tungkol sa kasalukuyang estado ng kanyang love life.
Nitong Miyerkules, January 21, 2026, nakapanayam ni Korina Sanchez si Gatchalian sa On Point ng Bilyonaryo News Channel, kunsaan pinag-usapan nila ang nangyayaring korapsyon sa DPWH (Department of Public Works and Highways).
Read: Bong Revilla surrenders after Sandiganbayan issues arrest warrant
Ngunit bago matapos ang panayam, hiniritan siya ng news anchor nang kumustahin ang kanyang buhay pag-ibig.
Diretsang tanong ni Korina kay Gatchalian: "One last question, your love life, how is it?"
Mabilis at seryosong sagot ng mambabatas: "It’s non-existent."
Read: Lani Mercado, humihiling ng due process para kay Bong Revilla
Bakas sa mukha ni Korina ang pagkabigla sa naging sagot sa kanya ni Gatchalian.
Natatawa niyang sabi, "I'm kidding. I didn't think you would even answer."
Wala namang nagawa ang senador kundi makisabay na lang na tumawa kay Korina.
HAVE Sherwin and Bianca Manalo callED it quits?
Agad na pinag-usapan online ang sagot na ito ni Gatchalian.
Suspetsa tuloy ng netizens, totoo ang matagal nang haka-hakang hiwalay na sila ng longtime girlfriend na si Bianca Manalo.
Read: Bianca Manalo, Sherwin Gatchalian address viral Senate kiss
Noon pang January 2025, nagsimulang maintriga ang relasyon nina Gatchalian at Bianca nang mapansin ng netizens na hindi na nila ipinu-post ang isa’t isa sa kani-kanilang social media accounts.
Nangyari ito matapos hiwalay na magdiwang ng Pasko ang dalawa noong December 25, 2024.
Read: Senator Sherwin Gatchalian no comment on Bianca Manalo-Rob Gomez issue
Bagung-bago ito sa kanilang mga tagahanga dahil magkasama naman nila itong ipinagdiriwang sa mga nagdaang taon.
Nagpadagdag pa sa suspetsa ng publiko nang sumagot si Gatchalian ng "no comment" nang tanungin siya sa estado ng kanyang love life sa press session ng Kapihan sa Senado noong January 8, 2025.
Read: Senator Sherwin Gatchalian on breakup rumors with Bianca Manalo
Samantala, habang isinusulat ang artikulong ito, wala pang reaksiyon si Bianca sa naging pahayag ni Gatchalian kay Korina.