Ikinagulat ng mga manonood ng TiktoClock ng GMA-7 nang biglang mag-collapse ang contestant ng "Tanghalan ng Kampeon" na si Eula Bautista sa live episode ng programa ngayong Martes, March 10, 2026.
Nangyari ito habang kumakanta si Eula sa back-to-back tapatan nila ng isa pang contestant na si Princess Palti.
Nag-commercial break kaagad ang programa dahil sa pangyayari.
Read: Pageant runner-up clarifies serenade issue with Derrick Monasterio
TiktoClock STATEMENT
Pagkatapos ng commercial break, nagsalita si Kim Atienza at ang isa sa mga hurado ng "Tanghalan ng Kampeon" na si Renz Verano.
Saad ni Kuya Kim: "Mga Tiktropa kung nakita ninyo ang nangyari kanina, nagkaroon po ng emergency dito sa studio.
"Hinimatay ang kampeon na si Eula Bautista. Kinailangan nating mag-commercial break para matugunan ng ating medical personnel si Eula.
"Sa ngayon ay kasalukuyan pong inoobserbahan ng medical team ang kalagayan ni Eula.
"Kung sakali hindi na kaya ni Eula makapag-perform, inampalan, ano po bang mangyayari sa competition?"
Kasunod na nagsalita si Renz.
Ayon sa singer: "Sa ngayon, Kuya Kim, ang priority po natin ay yung kalusugan ni Eula.
"We're hoping and praying na okay naman siya. First time po na nangyari to, Kuya Kim.
"Priority po natin ay yung kalusugan ni Eula. We're hoping and praying na okay naman siya.
"First time po na nangyari ito kaya medyo na-shock [kami] sa nangyari.
"Kung anuman ang mapagdesisyunan namin bilang inampalan, ipapaalam po namin sa inyo bukas."
Pagpapatuloy naman ni Kim: "Mga Tiktropa, kung anong magiging decision ng ating inampalan, kung makakapagpatuloy pa si Eula sa laban, aalamin po natin yan bukas.
"Bibigyan po namin kayo ng update sa kalagayan ni Eula.
"For now, samahan niyo po kami magdasal na maging ligtas si Eula at sana walang seryoso ang nangyari sa kanya. Mag-ingat po tayong lahat."
Read: Former child content creator accuses mom of abuse; mom responds