Ang major concert ni Regine Velasquez, 55, sa October 2026 ang inaasahang magiging huling malaking concert na gagawin niya bago tuluyang magretiro.
Ito ang kinumpirma ng Asia’s Songbird sa panayam niya sa Billboard Philippines nitong Miyerkules, March 25, 2026.
Read: Regine Velasquez admits struggle with stage anxiety
Bagamat mayroon pa siyang panaka-nakang proyekto sa 2027, sinisimulan na rin daw niyang paghandaan ang paglayo sa "pressure" na dulot ng kanyang trabaho.
Pahayag ni Regine: "I still have mga projects next year and then eventually I retire. Simple lang.
"Sabi ng asawa ko [Ogie Alcasid], retirement means naman not really stopping altogether.
"It means doing whatever it is that you wanna do. But it frees me from yung pressure of trying to please everyone, which I like."
Read: Regine Velasquez assures fans she's okay after "anxiety" post
Sabi pa ni Regine, hanggang ngayon ay iniisip pa rin niya kung ano ang kanyang gagawin kapag tuluyan na siyang nagretiro.
Saad niya: "Kasi, di ba, yung concept ng retirement is yung tumunganga ka na lang sa bahay mo.
"Parang ayoko rin naman yon, parang, 'Anong gagawin ko?' Hindi rin ako sanay nun.
"Kasi I kept thinking, 'What I'm gonna do next if I retire?'
"Parang I have to find something to do—parang mananahi ba ako? Parang kailangan kong bumili ng sewing machine. I don’t know...
"But I need to find something to do."
Regine chooses peace over pressure
Paglilinaw pa ni Regine, hindi ito nangangahulugang tuluyan na siyang titigil sa trabahong minahal at inalagaan niya sa loob ng mahigit apat na dekada.
Aniya: "I guess, I don't have to completely stop.
"Sabi ng asawa ko, 'Retirement means hindi ka kailangan totally tumigil. You just have to free yourself of the pressure.'"
Sa Pilipinas, ang konsepto ng retirement ay karaniwang tumutukoy sa pagtigil o paglayo sa regular na trabaho o aktibong karera matapos ang mahabang panahon ng pagtatrabaho.
Ngunit sa showbiz, hindi palaging nangangahulugan ng tuluyang pamamaalam ang retirement.
Maaari rin itong mangahulugan ng pagbawas ng proyekto o selective appearances na lamang, bagay na nais ipunto ni Regine.
REGINE WANTS TO TRAVEL WITH HUSBAND OGIE WHILE THEY CAN AFTER RETIREMENT
Sa panayam ni MJ Felipe para sa On Cue ng ABS-CBN News noong March 7, 2025, unang inihayag ng “Araw-Gabi” singer ang posibilidad ng kanyang pagreretiro sa pagkanta balang araw.
Ayon kay Regine, hindi siya natatakot kundi excited pa nga kapag napag-uusapan ang retirement.
Aniya: "I'm excited...Parang, I'm trying to... anong tawag diyan? Prepare myself for that.
"I mean, it's not gonna happen naman soon, but I'm preparing myself for that.
"Because itong work kasi na ito is very addicting, aminin mo yan.
"Kasi ano, e, instant gratification lahat, e. Especially pag nagko-concert ka, instant gratification, e.
"So, pini-prepare ko yung sarili ko na, 'Okay to yung mga nadi-disappoint ako habang nagko-concert ako. Siguro this is God's way na rin of letting me know, sige, dahan-dahan.'
"Para hindi ka... para pag umabot na ako dun sa kailangan ko na mag-decide talaga na, 'Yeah, I think it's my time to stop,' it wouldn't be too hard for me.
"And the thing is, I'm sure I'm gonna miss it.
"But, ayun na nga, parang siguro hindi naman bigla."
Read: Regine Velasquez admits preparing for retirement
Pinaghahandaan na raw talaga nila ito ng kanyang asawa na si Ogie.
Isa raw sa mga plano nilang mag-asawa ay magbiyahe habang kaya pa ng kanilang katawan at kalusugan.
Sabi ni Regine: "We wanna travel while we still can.
"So, that's what we wanna do. That's what I wanna do.
"That's why we're trying to be smart with our earnings.
"Again, and that's why we work so hard now to prepare for the inevitable."
Read: Regine Velasquez on clamor to declare her as National Artist