Maganda ang aura ni Marco Masa sa mediacon ng Kapuso Pinoy Big Brother Collab 2.0 housemates na ginanap noong March 25, 2026, sa isang hotel sa Quezon City.
Aniya, excited siyang makasama muli ang mga naging kaibigan sa Bahay ni Kuya.
“I'm just really excited sa mga work na kasama yung housemates. Kasi yung bond na nabuo namin inside the house is something na dadalhin ko talaga in the future, at I'm happy to be doing stuff with them,” pahayag ni Marco sa panayam ng PEP.ph (Philippine Entertainment Portal).
Naging memorable kay Marco ang journey niya sa Pinoy Big Brother.
Siya ang pangalawang Kapuso housemate na natanggal, pero nakabalik siya sa wildcard competition at muntik nang makasama sa listahan ng Big 4 Kapuso housemates.
Hindi raw inasahan ng dating child actor na matatanggal siya agad sa second eviction round.
Kuwento niya: “When I got out for the first time, I was really shocked. I was really overwhelmed by how people's perception about me is.
"And talagang nagulat ako kasi when I was inside, I was really doing great.
"I really believe na lahat ng housemates talaga tina-try kong mas makilala, nag-i-impart ako sa kanila.”
Pero mababa ang nakuha niyang boto mula sa mga manonood.
Dahil dito, naging masigasig ang Kapuso actor na makabalik.
“Nung nagkaroon ng wildcard, I was just eager, eager to get back inside the house. I just really wanted to get back at gusto ko lang maipakita at mapatunayan sa tao na this is who I am. And ito yung pinaglalaban ko. And from the very beginning, this was my pure intentions and this is how genuine I am towards the housemates,” paliwanag pa niya.
Masaya raw si Marco na nabago niya ang opinyon ng publiko sa pagbalik niya sa Bahay.
“Kahit na hindi man ako nakaabot ng Big Four, naging masaya na ako dahil the fact that the people chose me to be back as a wildcard is a huge blessing na and sobrang thankful na ako na nakabalik talaga ako ng bahay and I owe it to them.
"Everything that I did as a wildcard, I owe it to the people,” dagdag pa niya.
Read: VIRAL: The true story behind dogs seen traveling together
MARCO MASA's DOG JOLLY
Iniisip din ni Marco na tila blessing in disguise ang una niyang eviction dahil nakasama niya ang minamahal na aso bago ito pumanaw.
Noong November 29, 2025 unang na-evict si Marco, at opisyal na nakabalik noong January 14, 2026.
Namatay aso niyang si Jolly noong bisperas ng Pasko.
“Siguro isa din ito sa reason kung bakit ako na-evict as a second evictee,” kuwento niya.
“Sobrang nalungkot kami and siguro it's God's way of putting me with my family para sa mga times na yun, e, nandun ako para sa kanila. But it was really sad.”
First family dog daw nila si Jolly, isang shih tzu.
“Iba yung pagmamahal namin sa kanya at iba din yung nakuha namin from that dog na kahit na aso lang siya, grabe, kapag every time na umuuwi ako from taping, nawawala yung pagod ko because of that dog.”
Inalala din ni Marco kung paano niya ini-spoil ang alaga. “Alam niyo kung gaano siya ka-spoiled? Kapag kumakain siya, sinusubuan siya.
"At hindi na siya kumakain kapag hindi siya sinusubuan.
"So sobrang cute-cute talaga ng dog na yun and I really love that dog,” saad niya.
Sa ngayon, iniisip ni Marco na maghanap ng bagong aso.
What if bigyan siya ng fans niya ng maraming aso?
“Grabe naman, maliit lang yung bahay namin! Pero ngayon, medyo nag-a-adjust pa kami, so ayan. Hindi pa namin alam kung kailan kami kukuha ulit ng dog,” sagot ni Marco habang tumatawa.
Read: Regine Velasquez announces last big concert before retirement