Isang content creator mula sa San Fernando, Pampanga, ang nagbahagi ng kanyang karanasan sa isang veterinary clinic, kung saan niya dinala ang alagang hamster na may sakit.
Himutok ng female content creator, unprofessional diumano ang staff na humarap sa kanila.
Hindi binanggit ang pangalan ng veterinary clinic, pero matatagpuan daw ito sa barangay ng Sindalan,.
Ipinost ng content creator ang kanyang video sa TikTok isang linggo na ang nakalilipas.
Mapapanood ditong nasa loob siya ng kotse at umiiyak habang nasa lap ang container na kinalalagyan ng alagang hamster ng kanyang anak na preschooler.
“Why do we feel discrimination in a place where animal health should be the priority?” ang makikitang overlay text sa video.
Sa caption mababasa ang konteksto ng pangyayari.
Read:
Former broadcaster Jay Sonza arrested over cyber libel case
Mark Alcala shares photo featuring Kathryn Bernardo’s dog
WHAT HAPPENED AT THE VET CLINIC
Isinugod daw niya ang alagang hamster sa vet clinic.
Aminadong nataranta siya at hindi alam ang gagawin.
Subalit nang makita ng clinic staffer ang hamster, natawa raw ito at, paglalarawan ng content creator, “no sense of urgency.”
Sabi pa sa Tiktok video: “That moment was not only unprofessional, it was deeply insulting.
"Every animal deserves care, urgency, and respect, regardless of its size or species.
“Hindi lang para sa aso at pusa ang pagiging pet owner. The love and concern we have for our pets are the same.”
Ipinost daw niya ang video sa hangaring mag-hire ang animal clinics ng staff members na tunay na may malasakit sa mga alagang hayop at hindi dapat “selective.”
Ang post ay mayroong 1.5 million views as of this writing.
Sa comments section, marami ang nakisimpatya sa content creator.
May mga netizens na pinangalanan ang animal clinic.
May mga nagkuwentong hindi rin daw maganda ang karanasan nila sa clinic.
Sa kasamaang palad, pumanaw ang hamster.
Read: OFWs in UAE dismayed with application process for financial aid
VET CLINIC’S STATEMENT
Nitong April 24, 2026, naglabas ng official statement ang Ciao Veterinary Clinic, ang tinukoy ng netizens sa Tiktok post ng content creator.
Nang makarating daw ang isyu tungkol sa hamster, nakipag-ugnayan daw ito sa content creator at nag-apologize.
Ang bungad ng official statement: “Ciao Veterinary Clinic is aware of a social media post circulating regarding an incident involving a hamster patient and the alleged lack of urgency by our front desk personnel.”
Pagtatanggol ng clinic: “We take all concerns raised by pet owners seriously.
“Upon learning of the situation, our management immediately reached out and personally communicated with the concerned individual.
“We have listened to her account, clarified the circumstances on our end, and extended our sincere apologies for any experience that may have felt lacking in urgency or compassion.
“We are continuously reviewing our protocols and reinforcing staff training to ensure that all patients and clients are handled with the highest standard of care and sensitivity.”
May babala rin ito sa mga nagpapakalat ng diumano'y maling impormasyon.
Dahil daw sa TikTok post, nagkaroon ng “influx of misleading information, harassment, and trolling directed at our clinic and staff.”
Hindi raw nito kukunsintihin ang pagpapakalat ng “false or damaging statements that harm our team and reputation.”
Isa pang babala: “We are currently documenting these incidents and will take appropriate legal action against individuals who continue to engage in defamation, harassment, or the spread of malicious content.”
Sa huli, humingi ito ng understanding at fairness.
Nag-iwan din ito ng pangakong mas pagbubutihin ang services.
Sa comments section ng post ng clinic, marami naman ang nagbigay ng testimonya tungkol sa maganda nilang karanasan sa animal clinic.
