Isang very proud mother si Aiko Melendez sa pagsabak ng anak na si Marthena Jickain sa showbiz.
Si Marthena ay anak ni Aiko sa ex-husband na si Martin Jickain, na nakabase na ngayon sa ibang bansa.
Isa si Marthena sa labing-anim (16) na bagong talents ng Star Worx, ang talent management arm ng TV5, na inilunsad noong May 5, 2026, sa MVP Studio ng TV5 sa Mandaluyong City,.
Bukod kay Marthena, ang 15 iba pang bahagi ng Star Worx Block 1 ay sina Adam Buck, Amo Wilding, Chan Martin, Nico Matugas, Patrick Ballesteros, Spencer Capistrano, Wayne Leonard, Carmela Lorzano, Celyn David, Kaitlyn King, Keisha Serna, Nathalie Apollo, Rahil Gatali, Selina Griffin, at Steph Razon.
Read: TV5 launches premiere talent arm Star Worx under Mr. M
AIKO MELENDEZ TEARY-EYED AT MARTHENA'S LAUNCH
Matapos ang programa ay nagpaunlak ng panayam si Aiko sa PEP.ph (Philippine Entertainment Portal).
Pagbabahagi niya, "Kanina naluha ako. Ganun pala yung pakiramdam na pag yung anak mo na yung pinapanood mo.
"So, I'm very happy because my mom [Elsie Castañeda] is here to support her. So, I'm very happy and proud."
Nakikita ba niya ang sarili noong nagsisimula pa lang siya? Naging mabilis ba ang daan para kay Marthena sa pagpasok nito sa showbiz?
Paglilinaw ni Aiko: "Actually, hindi rin mabilis, kasi they went through a rigid training, e, yung workshops nila.
"And then my daughter is also studying in Ateneo. So, for her to balance studies and the workshop trainings is really some hard work.
"As Mr. M [Johnny Manahan] said nga, star works, di ba? If you make it work, you got to work hard."
Si Mr. M o Johnny Manahan ang mamamahala sa pagyabong ng mga karera ng Star Worx artists.
Nag-aaral si Marthena sa Ateneo de Manila University ng kursong Developmental Studies, kung saan sakop ang multidisciplinary course na law, politics, at economics.
Gaano nakikita ni Aiko ang sarili sa anak?
"Sa hitsura pa lang, carbon copy," nakangiting sagot niya.
"Pero mas better version siya, kasi yung mata niya, walang contact lens yan.
"So, nakikita ko kanina kaya siguro naluluha ako kasi sobrang proud ako sa kanya."
Read: Marthena Jickain, Aiko's daughter, set to join TV5's Star Worx
AIKO: HOW CAN I SAY NO TO MR. M AND EDWIN TAN?
Paano nakapagdesisyon si Marthena na sundan ang yapak ng kanyang mga magulang?
Lahad ni Aiko, "Actually, si Sir Edwin Tan ang kumausap sa akin. Kasi inaanak niya si Marthena.
"So, silang dalawa ang nag-usap. And then, siguro alam ni Marthena na pag si Edwin, sobrang hindi ako magwu-worry.
"And then they discussed everything to me, and they said nga si Mr. M ang hahawak.
"So siyempre, how can I say no naman to Mr. M and Edwin Tan?"
Pangako ni Aiko, hindi siya magiging "stage mom" sa anak.
Sabi niya, "Super proud mother. Kaya nga, di ba, when they asked me kanina, yung mga press, 'Are you a stage mom or supportive mom?'
"Supportive mother. I will never be a stage mom.
"Because I have ano, e, Edwin Tan who will care for ano, manager ni Marthena and Star Worx. Sila yung magpapaka-stress diyan."
Read: Vilma Santos posts “bad seed” message amid Leandro Leviste issue
ON MARTIN JICKAIN'S SUPPORT
Masaya rin si Aiko na very supportive ang tatay ni Marthena, ang chef at former model na si Martin Jickain.
Aniya: "Supportive. Okay naman, yeah.
"We talk when we have to. He's not here in the Philippines kasi, he's abroad.
"Nag-uusap kami. I update him. In fact, nung ilu-launch si Marthena, nag-FaceTime kami.
"Nag-usap naman kaming tatlo ni Marthena through FaceTime nga lang."
Mabuti at maayos daw ang relasyon nilang dating mag-asawa.
"Oo. Wala, wala kaming animosity ni Martin," sabi ni Aiko.
Read: Bea Millan-Windorski’s revelation about Ralph sparks speculation