Nag-level up na talaga ang relasyon nina Daniel Padilla at Kaila Estrada dahil hayagan. na nilang pinapakita kapag magkasama sila sa ilang pampublikong lakaran.
Sa Instagram ngayong araw ng Sabado, May 30, 2026, nagbahagi si Daniel ng carousel of pictures niya ng mga ganap sa buhay niya nitong mga nagdaang araw.
Ang ilan dito ay larawan niya at ni Kaila na magkahiwalay ngunit halatang nasa isang golf course sila.
Sa isa pang larawan makikita namang nakaupo si Daniel sa isa pang golf cart habang nagsi-selfie.
Matalinghaga naman ang caption ng 31-year-old Kapamilya actor na waring nagpapahiwatig sa masayang estado ng relasyon nila ngayon.
Buong sabi niya, "There are no ifs, woulds, coulds, shoulds. Its just is. And we just are."
Komento ni Luigi Muhlach tungkol sa post ni Daniel, "Yung isa panay gallery [laughing emoji]"
Tugon ni Daniel, "HAHAHAHAHAHAHAHAHA"
Tawa lang naman ang sagot ni Kaila.
Sina Luigi at Kaila ay magkapatid sa inang si Janice de Belen. Si Kaila ay anak ni Janice kay John Estrada samantalang si Luigi ay anak niya kay Aga Muhlach.
DANIEL PADILLA-KAILA ESTRADA RELATIONSHIP
Matapos ang ilang buwang espekulasyon sa hinihinalang namumuong relasyon ng dalawang Kapamilya star, nag-hard launch na rin sila Daniel at Kaila noong ika-31 kaarawan ng una.
Noong araw na iyon, April 26, 2026, ipinamalas nila ang pagtatangi nila sa isa't isa.
Ipinost noon ni Kaila ang litrato nila ni Daniel na magkayakap at matamis na nakangiti sa kung sino mang kumuha ng litrato.
Blurred ang larawan pero sweet ang pose nila na magkaharap sa isa't isa habang yakap nila ang isa't isa.
May background itong kantang gamit ang trending "Everything Hallelujah" ni Justin Bieber.
Kahulugan ng nasabing kanta ay ang pasasalamat at pagpupuri sa biyayang pag-ibig at pamilya na inalay ni Justin para sa kanyang maybahay na si Hailey at anak nilang si Jack sa much-talked-about performance niya sa Coachella.
Sabi naman ng netizens, tila pinahihiwatig ni Kaila ang real score sa kanila ni Daniel sa pag-post niya ng sweet photo with matching sweet love song.
Read: Kaila Estrada joins Daniel Padilla’s family at his birthday bash
Nakunan din si Kaila ng video na tila nag-"I love you" kay Daniel.