Sinagot ni Ellen Adarna ang ilang netizens na inakusahan siya ng kung anu-ano dahil sa exclusive backstage pass niya sa F Forever 1st World Tour concert na ginanap sa Philippine Arena, Bulacan, noong Sabado, June 27, 2026.
Si Ellen ay self-confessed fan ng F4, ang boy band na binubuo ng Meteor Garden stars na sina Jerry Yan, Vic Zhou, Vanness Wu, at Ken Chu, mga bida ng sikat na sikat noong Taiwanese drama na Meteor Garden.
Sa F Forever 1st World Tour ay wala si Ken.
Sa halip, ang kasama nina Jerry, Vic, at Vanness ay si Ashin ng Taiwanese rock band na Mayday.
Read: F4 stars bring F Forever tour to Manila this June
ELLEN ON BACKSTAGE ENCOUNTER WITH VANNESS
Kinabukasan, June 28, ibinahagi ni Ellen sa Instagram ang backstage pictures at videos niya kasama si Vanness.
Biro niya sa caption, "Jowa Reveal [laughing emoji]"
View this post on Instagram
Marami ang natuwa para kay Ellen. Pero gaya ng inaasahan, may ilan ding nainggit sa kanya.
Inakusahan din siya ng isang netizen na may malakas na kapit umano siya sa Live Nation, ang producer ng Philippine leg ng concert, kaya siya nagkaroon ng backstage pass.
Komento ng netizen (published as is): "Sorry buyt just wow backstage access! @livenationph u never disappoint us! I'm waiting to see which celebrity or influencer is backstage at BTS."
Na-screenshot ni Ellen ang komento at ibinahagi sa kanyang Instagram Story kagabi, June 30.
Paliwanag ni Ellen sa caption, wala siyang kakilala sa Live Nation.
Pero malapit niyang kaibigan ang TV host na si Rovilson Fernandez, na naging kaibigan ni Vanness nang nagkasama sila Asia’s Got Talent.
Si Vanness ang isa mga hurado ng talent competition program, habang si Rovilson ang kasamang host ni Marc Nelson.
Saad ni Ellen (published as is): "Before spreading false information please fact check first.
"Vanness personally gave us backstage access through his friendship with @rovilsonfernandez .
"Live Nation had nothing to do with it. Ive been friends with Rovilson since before showbiz, and he's been good friends with Vanness for years.
"They simply wanted to catch up, and we were fortunate enough to be invited along.
"Not everything needs a conspiracy or special treatment. Sometimes its simply called friendship.
"Next time, verify your information before making accusations."
Hirit pa niya, "Pag inggit, pikit."
Dagdag na komento ni Ellen: "Sa mga bitter na faney, eto ang totoong nangyari.
"Mahirap ba talagang maging masaya na lang para sa iba? Hindi naman lahat ng bagay kailangan gawan ng issue o kwento."
Read: Music icon Jose Mari Chan still runs his sugar business at 81
ELLEN ADARNA TO BASHER: "Pangit mo ka bonding"
May isa pang netizen na nagkomento na dahil daw sa post ni Ellen kaya nag-wife reveal na si Vanness Wu.
Pagkatapos ng Philippine leg ng F Forever concert ay nag-post si Vanness sa Instagram upang inanunsiyong kasal na siya.
Sabi pa ng netizen, kasal pa rin si Ellen at hindi raw nito makukuha ang lahat ng gusto niya.
Buong komento nito: "Diba may asawa ka pa? You are still married. Also, sobrang kala mo makukuha mo lahat ng gusto mo, napa-wife reveal tuloy si Vanness.
"Gurl, you need to heal. By the looks of it the only man you need is JESUS CHRIST.
"Don't get lost any further, naka-dalawang panganay ka na @maria.elena.adarna"
Read: F4 star Vanness Wu announces he's now married
Ang tinutukoy ng netizen na "dalawang panganay" ni Ellen ay ang anak nito sa ex-boyfriend na si John Lloyd Cruz, si Elias, at ang anak nila ng estranged husband niyang si Derek Ramsay, si Lili.
Buwelta ni Ellen: "di mo alam kung anong feeling ng isang fan girl. Ma-unmarried na din ako in time. Wait kalang.
"Tigilan Mona gamit na gamit na si Jesus sa mga taong katulad mo. Pangit mo ka bonding"
Bukod kay Ellen, spotted din sa F Forever concert ang ilan pang celebrities kagaya nina Melai Cantiveros at Michele Gumabao.
Read: Celebrities spotted at F Forever 1st World Tour concert