Hindi pa raw napapanood ni Gabbi Garcia ang pelikulang Saving Cherry, kung saan kasama sa cast ang boyfriend niyang si Khalil Ramos.
"E, kasi hindi kami nagma-match ng sked!" natatawang paliwanag ng Kapuso actress-TV host.
Pero marami raw siyang naririnig na papuri sa nobyo na gumanap sa role ni Jude, ang cheating husband ni Cherry portrayed by Barbie Forteza.
Saad ni Gabbi: "Of course, proud na proud ako. And si Khalil naman, I have no doubts about that guy.
"Ano talaga, like, lf other people tell me or tell people na, 'Gabbi, sobrang galing ni Khalil, ang bait niya. He's the best leading man,' ganyan.
"I have nothing but, like, praises for him and I'm super, super proud. Talagang walang question yun.
"Like, I'm happy that I'm able to share him with other people kasi he really is a great guy."
Sa kabilang banda, super proud din si Khalil kay Gabbi bilang journey host ng The Voice Kids Philippines na magsisimula na sa September 13, 2026.
Sinamahan pa nga ni Khalil si Gabbi sa presscon ng Kapuso show noong September 4. At naging instant photographer pa ng aktres niya ang boyfriend.
Ayon kay Gabbi, "Oo nga. May kuwento kasi yun.
"Kasi nga, sabi ko parang nakakahiya, makikita siya ng mga tao. Sabihin inutusan ko siya.
"Walang ayos. Na-pack up lang kasi siya sa taping.
"Tapos, tapos wala akong na-book na ano, wala akong na-book na shooter.
"E, may kailangan akong mag-content.
"Sabi ko, 'Sorry, Babs. Wala na talaga akong ma-shoot.' Sabi niya, 'Hindi na, sige na. Ako na.'
"Yes. At gumising siya ng 8:00 A.M. para samahan ako kahit napuyat siya.
"Very talaga. Very, very supportive. Hindi kasi siya maingay na tao.
"He's not... our love is not loud. It's quiet but it's secured."
Maagang nagising? Kasama ba niya sa bahay si Khalil?
Mariing pagtanggi niya, "Hindi, ah. Siyempre magka-text. Bawal mag-text na, 'Uy, gising ka maaga ha.'"
Biro pa namin, "Live-in na?"
Reaksiyon ni Gabbi, "Hindi. Kakalbuhin ako ng tatay ko pag nagli-live-in kami."
Nakausap ng media, kabilang na ang PEP.ph (Philippine Entertainment Portal), si Gabbi sa launching niya bilang bagong endorser ng Salmon.
Ginanap ang event sa Glorietta Activity Center, Makati City, noong Linggo ng gabi, September 6.
Read: Kim Chiu's sister Lakam charged in PHP44.4M qualified theft case
GABBI GARCIA HAPPY TO BE PART OF SALMON
Ang Salmon ay isang fast-growing fintech brand na may mga kasamang produkto katulad ng credit lines, product loans, at motorcycle loans.
Saad ni Gabbi: "I'm so happy to be part of Salmon because whenever I choose brands, I'm very intentional.
"And this one kasi has something to do with money and I'm very, maingat ako. I'm very smart about handling money because it's of course it's my hard-earned money.
"And I've been working for 12 years. Of course, kailangan ilagay siya sa trusted talaga."
Habang kumikita ay kailangan daw ni Gabbi mag-ipon para may sarili siyang pera kahit makapag-asawa na siya at magkaroon ng sariling pamilya.
"Naniniwala ako na even if I get married or have a family, I have to have my own money, my own savings.
"Tsaka para I can spend whatever I wanna spend on, di ba? Hindi ako umaasa kahit kanino.
"And iba na ngayon, e, di ba? Parang... e, hindi na ibig sabihin kailangan iasa lahat sa guy."
Nagkaroon ng live interaction interview si Sam YG, ang unang endorser ng Salmon, kay Gabbi.
Pinag-usapan nila ang financial independence at paano alagaan ang iniipon na hindi nasasakripisyo ang araw-araw na pamumuhay.
