Ikinagulat ng netizens ang pagpapakita ni Ellen Adarna ng daan-daang libong piso sa kanyang Instagram Reel nitong Lunes ng gabi, September 14, 2026.
Kunwari pa ay sinampal ni Ellen ang sarili ng apat na bulto ng cash, na kung tatantiyahin ay nasa PHP400,000.
Kalaunan ay isiniwalat ni Ellen na ang nasabing halaga ay buwanang sustento ng dating karelasyong si John Lloyd Cruz para sa anak nilang si Elias.
Sabi niya: "Caption this because…. [crying with tears, laughing emojis] Drop your best one below. May the most unhinged caption win [laughing emoji] #laro #playtime"
View this post on Instagram
Read: Who is Martin Tan, tech CEO and boyfriend of Bela Padilla?
ELLEN ADARNA TO NETIZEN: "Gagi monthly sustento to ni jl sa anak Nya"
Sa comments section, biniro si Ellen ng isang netizen na mag-"BF reveal" na raw siya.
Tila ipinapahiwatig ng netizen na mula sa kanyang boyfriend ang perang ibinando nito.
Paglilinaw ni Ellen, ang pera ay sustento mula kay John Lloyd para kay Elias.
Aniya, "Gagi monthly sustento to ni jl sa anak Nya ahahah ginawa ko nalang play time ahahhahah. Wala akong boyfriend noh! Pls lang hahahahah"
Komento ng isa pang netizen: "Ganyan dapat manampal CASH! Hindi credit card [laughing emoji]"
Sagot ni Ellen na may halong patama: "na may limit na kulang pa para sa anak ahahahahah lololol buti nalang strong independent guraloo tayooooo lol"
Read: Jao Mapa reveals past relationship with Rosanna Roces
IS ELLEN TAKING A SWIPE AT DEREK RAMSAY?
Kaugnay nito, may ilang netizens ang naghihinalang may patama ang post ni Ellen sa kanyang estranged husband na si Derek Ramsay.
May anak na babae sina Ellen at Derek.
Sa Instagram Stories ni Ellen noong February 2026, kinontra ni Ellen ang mga nagsasabing "good provider" si Derek.
Diretsahan niyang sinagot ang ulat ng columnist-vlogger na si Cristy Fermin tungkol sa sinasabing sustento ni Derek sa anak nito.
Ayon kay Cristy, nagbigay umano si Derek at ina ng aktor ng apat na kasambahay sa nilipatang bahay ni Ellen para may katuwang ito sa pag-alaaga sa kanilang anak.
Bukod pa raw rito ang allowance na ibinibigay ni Derek sa anak.
Pahayag ni Cristy sa video clip na ini-repost ni Ellen sa IG: "So secure siya. Wala siyang dapat na idiretso dahil ang alam niya ang diretso ay hindi na dinidiretso pa."
Ang pahayag na ito ng beteranong columnist ay mabilis na tinutulan ni Ellen sa sunud-sunod niyang videos sa IG Stories.
Ayon kay Ellen, “misleading and unfair” ang pahayag ni Cristy tungkol sa usaping sustento ni Derek sa anak.
Aniya: "What kind of foolishness is this Cristy Fermin? The claims being made are misleading and unfair.
"Lets set the record straight. Truth matters. Facts matter. And credit should always be given where it is due."
Inihayag ni Ellen na hindi pa raw magbibigay si Derek ng sustento sa anak kung hindi niya ito pinaalala sa estranged husband.
Lahad ni Ellen: "Last month I told his assistant, ‘No sustento, no Lili. That’s simple.’
"I am not demanding anything beyond what is fair.
"But I will not allow a father to live comfortably, just cooling his balls, while having little to no contribution to his child, because he gets to see her almost every day."
Rebelasyon pa ni Ellen, nagbigay si Derek ng credit card matapos niya itong hingan ng sustento dalawang linggo pa lang ang nakakalipas.
Ang nasabing credit card ay mayroong PHP50,000 limit kada buwan.
Ayon kay Ellen, sa computation niya ay "55.80 percent" lamang daw iyon ng kabuuang monthly expense ng anak nila ni Derek.
Sa kabilang banda, sinabi naman ni Ellen na siya ang nagpapasahod sa kanyang staff. Mayroon daw siyang limang nannies, at dalawa ay naka-assign kay Lili.
Ang pasuweldo sa isang nanny para kay Lili ang tangi raw sinagot ni Derek.
"They did not provide a house for me—I did that myself.
"Let’s not rewrite history.
"So please, let’s stop being delusional and stop branding someone a 'good provider' when the numbers and reality say otherwise."
Inilarawan pa ni Ellen kung ano ang tingin niya sa isang "good provider.
Sabi niya, "A real provider doesn't wait to be called out. He gives willingly.
"He takes initiative. He doesn’t rely on words, flexing, or public image."
Read: Ellen Adarna debunks report that Derek Ramsay is a "good provider"