Mahigit isang dekada na ang lumipas mula nang sumali si Mary Jean "MJ" Lastimosa sa Miss Universe 2014 bilang kinatawan ng Pilipinas, pero patuloy pa rin siyang ginagawan ng memes sa social media.
Ito ay dahil sa makulay at makatawag-pansing suot niya sa National Costume competition ng international beauty pageant.
Mula noon, kahit anuman ang okasyon — beauty pageant, cheering competition, pictorial, at kung anu-ano pa — may katapat kaagad itong meme ni MJ.
Read: Patrick Garcia speaks about past with Jennylyn Mercado
MJ LASTIMOSA: THE MEME QUEEN
Sa sideline ng media conference ng upcoming movie na Red Crown na ginanap sa GMA Studio 7 kahapon, September 29, 2026, inusisa ng tatlong media people, kasama na ang PEP.ph (Philippine Entertainment Portal), si MJ ukol sa taguri sa kanyang "Meme Queen."
Saad niya: "Alam mo, before nung binuksan... nung unang pagbukas ko nung box [containing the costume] na yun, hindi ko alam kung curse ba yun o minalas lang ako.
"Pero hindi pala, 'no, lahat talaga may reason.
"And until now, napag-uusapan pa rin yung National Costume, nakakapagbigay-ligaya sa mga tao.
"So, I think there must be a reason for everything that's happening in our life, and I'm glad to embrace that."
Pinagtatawanan na lang daw niya ito ngayon.
Pero napikon ba siya noong una?
Pag-amin ni MJ, "Siyempre naman, once in a lifetime lang sa Miss Universe, Mare, hindi na ako makakaapak doon ulit.
"Tapos eto na yun. Eto na talaga."
Proud ba siya sa kulay ng kanyang costume noon?
Nakangiting sagot niya, "Wala ka na... wala akong choice, Mare, nung nakita ko yun."
Desisyon ba talaga iyon ng Binibining Pilipinas Charities, Inc. (BPCI) na pinamumunuan ni Madam Stella Marquez-Araneta?
Paliwanag ni MJ: "Siyempre, kasi dati under contract kasi kaming lahat.
"So, kung ano yung ipapasuot sa amin, kung ano yung... alam niyo naman lahat yan, di ba?
"Pati yung everyday activities namin, yung mga suot namin, the heels, accessories, lahat provided by the org.
"And wala naman kaming... we respect sa organization kung ano yung ipapasuot sa amin, yung isusuot namin.
"But I'm happy to see the Filipino creativity, they're being... they're given the freedom..."
Pagpapakatotoo pa niya: "I think it kinda affects din the confidence of the candidate stepping into the stage in a design that she really wants.
"But at the same time, I really respect how they wanted to run their own organization because, in the first place, hindi naman pag-aari ng gobyerno yun, di ba?
"It's still a private company. So how they wanted to run their business, it's their choice."
Read: NatCos ng Miss Grand PH 2025 candidate, inspired kay MJ Lastimosa
MJ LASTIMOSA JOINS THE RED CROWN MOVIE
Kasama si MJ sa thriller film ng GMA Pictures na Red Crown.
Isa siya sa 25 kandidata sa fictional Queen of the Islands beauty pageant.
Paglalarawan ni MJ sa kanyang role: "Isa po ako sa mga candidate. Isa akong strategist dito.
"So alam mo na, yung mga mautak, mga beterana. Kailangan nagso-solve talaga tayo ng mga problema.
"Yun yung magiging role ko dito, and I'm very excited na ang isang pageant ay magiging movie."
Yung funny personality ba niya sa X (dating Twitter) ay mapapanood ng mga tao sa pelikula?
"Medyo... teka, iniisip ko kung it really is the same. Medyo ano kasi siya dito, may kind of serious, medyo ate-ish yung vibe niya."
So, hindi siya bading-badingan?
Natatawa niyang sabi: "Lagi naman tayong baklang-bakla.
"Pero medyo ibang MJ naman yung makikita niyo dito, which is I love it.
"I love the challenge and alam mo yung pagko-collab ng ibang persona to being a pageantera pa rin.
"So, parang naging ibang tao ka, na pageantera pa rin."
Read: Claudine Barretto at 47: What’s her beauty secret?
RED CROWN: BEAUTY, BRAINS, AND BLOODSHED
Ang kuwento ng Red Crown ay sumesentro sa journey ng 25 candidates na maglalaban-laban sa korona sa fictional na pageant na Queen of The Islands na nagdiriwang ng kanilang ika-25 anibersaryo.
Ang grand prize winner ay makakatanggap ng PHP25M.
Ano kaya ang gagawin ng mga kandidata kung ang inakala nilang glamorous competition ay magiging deadly fight for survival?
Tuwing elimination kasi, nagkakaroon ng mga nakakatakot na twist kung saan may isang kandidata na mae-execute... este mai-eliminate.
Bukod kay MJ, kasama rin sa cast ng Red Crown sina Yana Aduana, Alethea Ambrosio, Ara Arida, Herlene Budol, Skye Chua, Faith da Silva, Michelle Marquez Dee, Haley Dizon, MJ Encabo, Shuvee Etrata, at Gazini Ganados.
Kasali rin sa thriller film sina Rein Hillary, Maika Kemmochi, Aira Lopez, Sanya Lopez, Ahtisa Manalo, AZ Martinez, Ashley Ortega, Vanessa Peña, Sandy Riccio, Jade Tecson, Tarah Valencia, Yna Angela Uy, at Yza Thalia Uy.
Nasa cast din sina Michael de Mesa, Epy Quizon, Biarica Manalo, Vince Maristela, Roxie Smith, Christian Singson, Jay Ortega, Tim Yap, Pinky Tobiano, Cat Arambulo, Anna Magkawas, at Ruffa Gutierrez.
Read: Jennylyn stays silent, Dennis reacts to Patrick revelations
Ang pelikula ay mula sa panulat nina Kit Villanueva at Ken de Leon, at sa direksiyon ni Dominic Zapata.
Ito ay mapapanood sa mga sinehan nationwide simula October 28, 2026.