Humingi ng paumanhin ang LANY lead vocalist na si Paul Jason Klein sa mga tagahanga sa Cebu matapos tuluyang kanselahin ang nakatakda concert ng grupo nitong Huwebes, November 12, 2026.
Ikinadismaya ng maraming fans ang biglaang pagkansela sa pagtatanghal ng American pop-rock band ilang oras na lamang bago ang kanilang Soft World Tour concert sa SM Seaside Cebu Arena.
Read: Jessica Sanchez: A new chapter, in her own voice
Sa mga kumakalat na video at litrato online, makikita ang maraming concertgoers na nagtipon sa venue at naghihintay na makapasok nang ianunsyo ng concert promoter na Live Nation Philippines ang postponement ng show.
Ayon sa promoter, natuklasan umano ang problema sa bubong ng venue matapos isagawa ang soundcheck.
Read: MTRCB reviews PBB: Collab 3.0 after receiving over 100 complaints
Inakala ng ilang manonood na maaari pang ma-reschedule ang concert.
Gayunman, kinumpirma ng Live Nation kinabukasan, November 13, na tuluyan nang kanselado ang pagtatanghal dahil sa mga isyung may kinalaman sa kaligtasan ng venue.
Mababasa sa kanilang pahayag: "Following our earlier announcement regarding the postponement of today’s sold-out LANY show in Cebu, we regret to inform you that the show has been cancelled due to significant safety issues regarding the roofing of the venue.
"We sincerely apologize for this unfortunate development and for the disappointment and inconvenience this has caused to everyone who was looking forward to the show.
"All tickets purchased for today's show will be refunded."
Paul Klein saddened by cancellation of LANY's sold-out Cebu concert
Samantala, ibinahagi naman ni Paul ang kaniyang pagkadismaya sa nangyaring insidente.
Sa kaniyang Instagram Stories, sinabi ng American singer na papunta na siya sa venue nang matanggap ang balita tungkol sa hindi na matutuloy na concert.
Saad niya, "I was in the elevator of the hotel heading down to get in the car and go to the venue to play our show when I received the news about 4-foot steel debris falling from the roof of the venue.
"I am super upset to not be playing our sold-out show tonight, and my heart breaks for everyone that took their time and spent their hard-earned money to be with us."
Read: LANY surprises Pinoy fans as they serve as fast food crew members
Dagdag pa niya, hindi pa nila natatanggap ang paglilinaw kung kailan magiging ligtas na muling gamitin ang venue.
Dahil dito, ipinaalam sa kanila ng Live Nation Philippines na kinakailangan nang kanselahin ang pagtatanghal.
Binigyang-diin din ni Paul na hindi niya nanaising may mapahamak na concertgoer dahil lamang sa pagtutuloy ng kanilang concert.
"I love Cebu, I love the Philippines, and I love and deeply appreciate every single one of our fans.
"I wouldn't be able to live with myself if someone was seriously injured at one of our shows," aniya.
Sa kabila ng nangyari, tiniyak ng LANY lead vocalist na babalik sila sa Pilipinas at umaasang muli nilang makakasama ang kanilang mga fans.
"We will always be coming back, and I hope to see every single one of you next time. Mahal kita forever," pagtatapos niya.
Isa pang IG Stories ang ini-upload ni Paul, kung saan makikita rito ang larawan niya habang nakasuot ng damit niya sanang pang-perform.
Aniya sa caption, "Still in my show clothes. Devastated.
"See you next time, Cebu."
Nagpahayag din ng lungkot ang bandmate niyang si Jake Goss dahil hindi nila matutuloy ang inaabangang pagtatanghal para sa kanilang Cebu fans.
Sabi ng drummer ng banda sa kanyang Instagram Stories, "Cebu, it breaks our hearts that we can't play for you tonight. We're so sorry. You mean the world to our band.
"Mahal kita sobra and we can't wait for the day we're together again."
Bago kanselahin ang Cebu concert, nauna nang nagtanghal ang LANY sa Philippine Arena sa Bulacan noong November 7 at 8.