Kasalukuyan nang sinusuri ng Movie and Television Review and Classification Board (MTRCB) ang ilang eksena sa Pinoy Big Brother: Collab 3.0 matapos nitong makatanggap ng mahigit 100 reklamo mula sa mga manonood.
Sa inilabas na pahayag ng MTRCB, ngayong Huwebes, November 12, 2026, nakasaad dito na bilang bahagi ng pagsusuri, makikipag-usap ang Board sa production team ng programa upang talakayin ang mga hinaing at alalahanin ng mga manonood.
Mababasa sa pahayag na inilabas ng ahenisya: "The Movie and Television Review and Classification Board (MTRCB) is looking into scenes and interactions in recent episodes of Pinoy Big Brother: Collab 3.0 after receiving over 100 complaints from viewers in the past few days.
"The Board said it would discuss the viewers’ concerns with the show’s production team as part of its review."
Read: BINI Mikha vows to learn from mistake after driving violation
Pinaalalahanan din ng MTRCB ang management ng programa na maging mas maingat sa ipinapalabas na materyal upang matiyak na sumusunod ang bawat episode sa mga alituntuning itinakda base sa age classification ng viewers.
Saad nito: "While this is underway, the MTRCB reminded PBB management to exercise greater care to ensure that each episode complies with the guidelines for the reality television show’s assigned age rating."
Primo Alterado opens up about Anthony Constantino calling him a “little dookie.”
Bagamat hindi tinukoy ng ahensiya kung aling eksena ang inireklamo, may ilang netizen na nag-ispekula na maaaring may kaugnayan ito sa mga housemate na sina Anthony Constantino at Primo Alterado.
Kamakailan lamang, naging mainit na usap-usapan online ang isang video clip kung saan makikitang naglalabas ng sama ng loob si Primo sa kapwa niya housemate na si Robbie Jaworski.
Sa kanilang pag-uusap, ikinuwento ni Primo ang kaniyang pagkadismaya sa pakikitungo sa kaniya ng ilan nilang kasamahan sa Bahay ni Kuya, partikular na ang housemate na si Anthony.
Read: Meet the PBB: Collab 3.0 housemates!
Ayon kay Primo, sinabihan umano siya ni Anthony na "You're a little dookie."
Aminado si Primo na noong una ay hindi niya alam ang ibig sabihin ng salitang "dookie," hanggang sa pinagtawanan siya ng isa pa nilang housemate na si Raheel Bhyria.
Ang salitang "dookie" ay isang slang term na tumutukoy sa poop o dumi.
Read: Fyang Smith recounts experience helping a pig give birth
Dahil dito, umani ng reaksiyon mula sa mga netizens ang naturang video, kung saan may ilang nagpahayag ng pagkabahala sa umano'y hindi magandang pagtrato kay Primo sa loob ng PBB house.
May ilan din namang dumepensa kay Anthony at sinabing maaaring hindi naman negatibo ang intensiyon ng Kapuso actor nang tawagin niyang "little dookie" si Primo.
Ayon sa ilang tagahanga ni Anthony, maaaring may iba itong kahulugan sa lugar kung saan lumaki ang aktor, sa Los Angeles, California, United States.
Read: Shuvee reacts to other PBB Collab 3.0 housemates liking Anthony
Gayunman, hindi kinumpirma ng MTRCB kung may kaugnayan ang naturang insidente sa mga reklamong natanggap nito laban sa programa.