Mukhang tuluy-tuloy na ang "recovery" ni LJ Reyes.
Matapos magsalita hinggil sa paghihiwalay nila ni Paolo Contis, panandaliang nanahimik ang aktres sa social media, maliban sa panaka-nakang promotional posts.
Pero ginulat ni LJ ang publiko nang dumalo siya sa New York Fashion Week noong September 11 (Philippine time).
Sinunud-sunod niya ang kanyang posts, kabilang ang glamour shots.
Tila ipinahihiwatig ni LJ na nagsisimula na siyang bumangon kasunod ng masaklap na breakup nila ni Paolo.
Umani ng papuri mula sa showbiz friends at supporters ang Kapuso actress.
Nasa New York ngayon si LJ kasama ang kanyang dalawang anak na sina Aki at Summer.
LJ REBUILDING HERSELF
Ngayong Huwebes, September 16, ready to get back in shape na si LJ.
Nagkaroon ng workout session si LJ kasama ang kanyang fitness coach via Zoom.
Ipinost naman ng fitness coach ang ilang bahagi ng virtual session nila ng aktres.
Ni-repost ito ni LJ sa kanyang Instagram account at nilagyan ng captions.
Caption niya sa una: “And we’re back to regular programming [laughing face with tears, laughing face with sweat emojis]
Kasama pa niyang nagwo-workout ang 2-anyos na anak nila ni Paolo na si Summer.
Ang isa pang caption ni LJ, kunwari ay dialogue ni Summer: “Yung antok ka pa pero adik yung kasama mo magworkout! Pero game na game ka naman.- Summer [laughing face with tears emojis]”
Sa isa pang reposted video, makikita na distracted na si Summer habang patuloy sa pagwo-workout si LJ.
Pinagtutuunan din ni LJ ang kanyang itinayong business na hygiene essential products.
Recently, nagtanong siya sa post kung may mga taga-New York na interested na mag-avail ng kanyang products.
Ipinost ni LJ na maganda ang feedback. Nabanggit din niya ang planong subukan kung may market ang kanyang negosyo sa New York.
Nang magpa-interview si LJ kay Boy Abunda noong September 1, 2021, may dalawang punto siyang sinabi tungkol sa paglipad niya sa Amerika.
Una, para ibangon ang sarili matapos ang failed relationship nila ni Paolo.
Nais daw niyang i-“rebuild” ang sarili at “recover emotionally and mentally.”
Pangalawa, may option siyang mag-migrate sa U.S. kung saan nagtatrabaho ang kanyang ina.
“I will sacrifice my career and whatever I have. I have no concrete plan.
“But it’s all about the kids. It all boils down to them,” pagtatapat ni LJ.