Makalipas ang anim na taon, muling nagbalik si Isabelle Daza sa Eat Bulaga.
Siya ang celebrity judge ng "Bawal Judgmental" nitong Sabado ng tanghali, September 26, 2020.
Ipinakilala si Isabelle na co-host ng Eat Bulaga! noong December 2011, pero tatlong taon lamang ang itinagal niya sa noontime show ng GMA-7 dahil lumipat siya sa ABS-CBN noong November 2014.
Sa susunod na buwan, si Isabelle ang magiging special guest co-host ng Laugh Out Loud, ang bagong noontime show ng TV5. Dalawang linggo siyang mapapanood doon bilang guest co-host.
Ang Lunch Out Loud ay ipoprodyus ng Brightlight Productions, ang production company na pag-aari ni dating Congressman Albee Benitez.
Sina Billy Crawford, Bayani Agbayani, KC Montero, Wacky Kiray, at K Brosas ang mga host ng Lunch Out Loud.
Unang napabalitang kasama sa Lunch Out Loud si Alex Gonzaga at ang mag-amang Edu at Luis Manzano, pero hindi na matutuloy ang kanilang partisipasyon sa nabanggit na noontime show.
Personal ang dahilan ni Alex kaya hindi nito tinanggap ang alok maging co-host ng programa, samantalang hindi pa tapos ang exclusive contract ni Luis sa ABS-CBN.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika