Ang The Boy Foretold by the Stars ang second best picture ng 46th Metro Manila Film Festival.
Nakatulong ang parangal na tinanggap ng pelikula kaya nagkaroon ng interes ang publikong panoorin ang launching movie nina Adrian Lindayag at Keann Johnson.
Adrian Lindayag (left) and Keann Johnson
Parehong mahusay ang dalawa sa mga karakter na kanilang ginampanan, pero tanging si Adrian ang nagkaroon ng nominasyon para sa kategoryang pinakamahusay na aktor ng 46th MMFF.
Hindi dinamdam ni Keann ang kawalan niya ng nominasyon dahil para sa kanya, karapat-dapat maging nominado si Adrian sa best actor category.
RAISED IN THE U.S.
Ang natural acting ability at ang mahusay na delivery ni Keann ng English dialogues ang ilan sa mga napansin ng mga nanood ng The Boy Foretold by the Stars.
Hindi naman ito nakapagtataka dahil lumaki sa Amerika ang 21-year-old newbie na hinuhulaang isa sa mga important newcomers sa 2021.
"I have years of workshop on my belt, pero a lot of me playing Luke was natural talaga dahil sa mga experience ko," banggit niya sa kanyang karakter sa pelikula.
"I applied it kaya siguro the delivery was somewhat natural na rin because of my hugot and karga.
"I was raised in the U.S. more than half my life so English is first language for me. My mom is half- American," sabi ni Keann sa exclusive interview sa kanya ng Cabinet Files.
Ano ang pakiramdam nang una mong mapanood ang iyong sarili sa The Boy Foretold by the Stars?
"I was nervous, excited, and sobrang amazed kasi ang ganda ng ginawa nila sa movie," sagot ni Keann.
FORMER GMA ARTIST CENTER TALENT
Contract star si Keann ng Virtual Playground, ang talent management agency ng Reality Entertainment Inc.
Pero former talent siya ng GMA Artist Center ng GMA Network, Inc. kaya napanood ang baguhang aktor sa mga programa ng Kapuso Network.
"I was in Santigwar with Alexa Ilacad as my co-lead actor. I also did Click, Like, and Share with Adrian Lindayag and Trina Legaspi, Bilibid Or Not with Jeric Raval. I did Wattpad.
"And when I was with Artist Center, I did Mars, Taste Buddies, Maynila, and other shows sa GMA 7.
"After my contract with GMAAC ended, I crossed over to Reality Entertainment. I transferred because I wanted more opportunities."
Seryoso si Keann sa acting career nito, pero hindi niya pinababayaan ang pag-aaral ng B.S. Biology sa Fatima University dahil sa kanyang pangarap maging doktor.
"Passion ko ang acting. I want to develop my talent, and dito ko yun magagawa.
"I also want to be a doctor, ito ang fallback ko kaya full-time student ako."
LOOK-ALIKE
Hindi nakaligtas sa matalas na paningin ng manonood ang malaking pagkakahawig ni Keann sa Kapuso actress na si Bianca Umali, kaya pwedeng-pwede silang mapagkamalang magkapatid.
Alam ni Keann na may strong resemblance sila ni Bianca sa isa’t isa dahil marami ang nagsasabi sa kanya.
"Sobrang dami ang nagsasabing magkamukha kami, as in. Twins nga raw kami.
"Compliment ‘yon for me. Ang ganda niya kaya!" natawa at flattered na reaksiyon ni Keann.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika