Dalawang bagong game shows ng TV5 ang magkasunod na linggo na mapapanood—ang The Wall at ang 1000 Heartbeats: Pintig Pinoy.
Si Billy Crawford ang host ng The Wall, na mapapanood simula sa March 13.
Ang The Wall ang ikatlong programa ni Billy sa Kapatid Network.
Siya ang host ng unang season ng Masked Singer Pilipinas, na magkakaroon ng second season sa September 2021, at main host ng Lunch Out Loud, ang noontime program ng TV5.
Isang milyong piso ang pinakamataas na premyo sa The Wall Philippines, isang popular game show ng NBC USA at nag-umpisa noong December 2016.
Tatlumpo na ang bilang ng international version (Brazil, Canada, France, Germany, Israel, Italy, etc.) ng The Wall, at ang Pilipinas ang pinakabagong franchisee.
Nakatakda naman sa March 21 ang airing sa TV5 ng premiere episode ng 1000 Heartbeats: Pintig Pinoy.
Si Xian Lim ang host ng programa, at makakasama niya sa show ang comedian na si Chad Kinis.
Ang 1000 Heartbeats ang unang project ni Xian bilang game show host at pinabilib niya ang production staff, pati na ang creative director na si Willy Cuevas.
"We’re asked to tape two seasons already! What a welcome development!
"Cheers to the 1000 Heartbeats Pintig Pinoy team led by our astig director Bobet Vidanes.
"Here with Xian Lim na magaling pala mag-host at magpatawa," papuri ni Willy para kay Xian, na ganadong-ganado at inspiradong-inspirado sa kanyang bagong career bilang emcee ng 1000 Heartbeats.