Malaki ang tsansa nina Janno Gibbs at Kitkat na makabalik bilang mga host ng noontime show na Happy Time.
Isa lang kasi ang kundisyon na ibinigay sa dalawa ng Net25 management—ang magkasundo sila pagkatapos ng kanilang alitan na nangyari sa taping nila noong February 18, 2021.
May nakapagsabi sa Cabinet Files na payag si Janno na makipagbati kay Kitkat at kalimutan ang hidwaan nila, pero tila hindi pa handa ang huli na makipagkasundo dahil walang sagot ang kanyang kampo sa ginagawa na pakikipag-ugnayan ng singer-actor.
Parehong nawala sina Janno at Kitkat sa Happy Time dahil sa mga social media post nila noong February 23, 2021 matapos ang kanilang paghaharap at pag-uusap sa meeting na ipinatawag ng Net25 management.
Sina Boobsie, CJ Hirro, at Mico Aytona ang mga co-host muna ni Anjo Yllana sa Happy Time, habang hindi pa nalulutas ang problema sa pagitan nina Janno at Kitkat.
Halos walong araw pa lang na nawawala si Janno sa noontime show ng Net25 pero miss na miss na siya ng viewers ng Happy Time at ng followers ng kanyang portion, ang "Janno Gives."
From somebody in the know, handa si Janno na makipagkasundo kay Kitkat at kalimutan ang kanilang alitan.
Kaya nagsusumikap singer-actor na magkaayos sila ng comedienne-TV host sa pamamagitan ng manager nito pero hindi pa siya nakakatanggap ng sagot mula sa kabilang panig.