Magaganap sa November 9, Martes, ang magkasabay at mainit na pagsalubong sa dalawa sa pinakamalalaking artista sa Pilipinas—sina John Lloyd Cruz at Sharon Cuneta.
Opisyal na ipakikilala si John Lloyd bilang bagong Kapuso at nakatakda siyang magkaroon ng sariling sitcom sa GMA-7.
Si John Lloyd ang aktor na pinahuhulaan sa teaser ad na inilabas ng GMA-7 na may caption na “He’s Happy To Be Back!”
Kung may John Lloyd ang Kapuso Network, may Sharon Cuneta na sasalubungin ang Kapamilya Channel dahil siya ang karagdagan sa humahabang listahan ng mga beteranong artista na mapapanood sa FPJ's Ang Probinsyano.
May taping ang ASAP Natin ‘To sa Martes, November 9, at special guests ang cast ng Ang Probinsyano. Bibigyan nila ng grand welcome si Sharon sa longest-running action-drama series na pinagbibidahan ni Coco Martin.
Ang guesting sa Ang Probinsyano ang unang TV series ni Sharon sa Kapamilya Channel.
Pero nagbida na siya noon sa Madam Chairman, ang comedy-drama series ng TV5 na napanood mula October 13, 2013 hanggang February 28, 2014.
Use these Nike promo codes when you shop or order online. Marami pang ibang coupons dito.