Unwittingly, binigyan ni Sharon Cuneta ng publicity at media mileage si Atty. Salvador Panelo.
Ito ay dahil sa social media post ng Megastar kahapon, March 10, 2022, tungkol sa pag-awit ng senatorial aspirant sa "Sana’y Wala Nang Wakas" sa isang campaign sortie sa Quezon City.
Ang "Sana’y Wala Nang Wakas" ang original soundtrack ng 1986 hit movie ni Sharon sa Viva Films na may kaparehong pamagat. Isinulat ito ng namayapang composer na si Willy Cruz.
Hindi nagustuhan ng singer-actress ang ginawa ni Panelo dahil, diumano, hindi puwedeng gamitin ng senatorial aspirant ang kanyang pinasikat na kanta.
Original post ni Sharon: “Nanang ko po pls lang nakakahiya naman sa amin ni Willy Cruz! You are not allowed to use our song! Don’t mess with a classic. I allow its use only for Leni-Kiko! LOL. Utang na loob baka bumangon si Willy nakakahiya naman sa amin! Kinilabutan ako. In a bad way. Lol.”
Umani ng mga batikos at personal na pagpuna ang post ni Sharon kaya makalipas ang ilang oras, pinalawig ng aktres ang paliwanag sa pamamagitan ng pagdadagdag ng mga sumusunod na salita:
“Kidding aside, only because it is campaign season, I just think something’s a bit off when you sing a song made famous by the wife of one of your Vice-Presidentiable’s political opponents while campaigning.
“On the other hand, maybe I should just thank you for reminding your crowds of Kiko whenever you sing it, whether you do so to mock us or not.”
Ang mister ni Sharon na si Kiko Pangilinan ang running mate ni Leni Robredo ngayong 2022 elections.
Inilabas ng mga media outlet ang original Facebook post ni Sharon na tumanggap ng matitindi at kaliwa’t kanang mga batikos:
Hindi pa talaga kilala si Sharon ng ibang mga tao dahil hindi nila alam na likas ang pagiging "selfish" o makasarili ng singer-actress kapag tungkol sa mga pelikula at kanta niya ang pag-uusapan.
Sa isang interview na lumabas dito sa PEP.ph (Philippine Entertainment Portal) noong July 27, 2008, sinabi ni Sharon na ang kanyang anak lamang na si KC Concepcion ang may karapatang mag-revive ng mga kanta niya.
Pahayag niya, “ Siya lang [KC[ ang may karapatan. Selfish ako pag para sa akin. Songs ko, movies ko, siya lang ang may karapatan.
"Kasi lahat yun, bahagi ng important moments in my life."
Read: Sharon Cuneta says only daughter KC Concepcion has the right to revive her songs and movies