Labing-apat na taong gulang lang si Andrea del Rosario nang magsimula ang kanyang showbiz career.
Noong 2003, binigyan siya ng launching movie ng Viva Films, ang Lupe: The Seaman’s Wife.
Makalipas ang labing-siyam (19) na taon, muling magbibida si Andrea sa May December January, ang pelikulang mula sa direksiyon ni McArthur Alejandre at panulat ng National Artist for Film and Broadcast Arts na si Ricky Lee.
Para kay Andrea, sulit na sulit ang matagal na panahong paghihintay sa muling pagbibida niya sa pelikula.
Bukod sa maganda ang kuwento, pinupuri ng mga nakapanood sa May December January ang kanyang mahusay at epektibo na pagganap.
Read: Husay sa pag-arte ni Andrea del Rosario, lumutang sa pelikulang May December January
"I am 44 years old now. I have a few years to be as daring, to push the boundaries and to be given this chance, so why not?
"I was around 14 years old when I started in showbiz, and opportunities like this doesn’t come so often so projects like this is definitely worth the wait,” lahad ni Andrea sa eksklusibong pakikipag-usap sa kanya ng Cabinet Files.
Naniniwala si Andrea na nangyayari ang lahat sa wastong panahon kaya pinagkatiwalaan niya ang Viva Films producer na si Boss Vic del Rosario nang ibigay nito sa kanya ang lead character sa May December January.
Saad niya, “Everything in life is all about timing. I was offered other movies naman before but turned it down because I tried other things outside showbiz. I did a lot in between those years.
“Boss Vic wanted me to do this movie and he personally called me to do it. I am very grateful that they waited for me to finish the soap opera I was doing [Love You Stranger].
“Grateful talaga ako kay Boss Vic. We all know that he created most of the big names in the industry so I trust his vision and timing.
“I guess he saw na itong movie na ito ay magiging part of history dahil first movie ni Sir Ricky Lee after he’s declared as National Artist.”
Sa May December January, buong galing na ginampanan ni Andrea ang papel ng isang ina na nagkaroon ng relasyon sa kaibigan ng kanyang anak. May lihim na pagtingin ang anak sa boyfriend niya kaya nagparaya siya.
Naging madali para kay Andrea ang kanyang role dahil may mga kamag-anak at kaibigan siyang mga miyembro ng LGBTQ community.
Tulad ng isang mapagmahal na ina, sinabi ni Andrea na magagawa rin niyang isakripisyo ang sariling kaligayahan para sa kanyang anak.
“I have relatives, friends (my best friend) na LGBT members so hindi siya iba sa akin. Alam ko ang mga pinagdadaanan at pinagdaanan nila. I know the inner turmoils and family issues.
“When my daughter Bea was born with a medical condition, I even prayed that willing ako to give my life, for her to survive. So I know the feeling of that kind of love and sacrifice.
“I am willing to give up anything or anyone for my child,” pahayag niya.
Ang young actors na sina Gold Aceron at Kych Minemoto ang co-stars ni Andrea sa May December January.
Andrea with Kych and Gold
Bilib na bilib si Andrea sa dalawa at malakas ang kanyang pakiramdam na malayo ang mararating nina Gold at Kych.
“They are amazing guys! Good head on their shoulders. We were like a real family when we were shooting.
“They will go a long way those guys! They’re very professional and respectful,” papuri ni Andrea para sa kanyang co-stars.
At dahil sa pelikula na ginawa niya, lalong napagtanto ni Andrea na mahal na mahal nito ang propesyong naging mabuti sa kanya.
“I really do love to be an actor. It’s not easy but I love the whole process,” masayang pagwawakas na pananalita ni Andrea.