Hindi man nanalo sa Best TV Movie/Mini-Series category ng 50th International Emmy Awards ang On The Job: The Missing 8, nagpapasalamat ang Reality MM Entertainment producers na sina Dondon Monteverde at Erik Matti sa nominasyong natanggap ng kanilang critically acclaimed movie.
Magkasamang dumalo sina Dondon at Erik sa nominee medal ceremony ng 50th International Emmy Awards na ginanap sa New York City.
Para sa kanila, malaking karangalan ang nominasyong ipinagkaloob sa On The Job: The Missing 8.
“Me and Dondon are partners for Reality MM Entertainment and we are happy that we were recognized by the Academy.
“Thank you to HBO and Globe for co-producing it with us. It’s a four-year journey for the show.
“It’s showing on HBO Asia and HBO Max, Europe and North America.
“Because of the pandemic, we made a film and turned it into a series and look where we are now,” pahayag ni Erik nang umakyat sila ni Dondon sa stage para tanggapin ang kanilang mga medalya mula sa International Emmys.
Sa panayam naman ng ABS-CBN News kay Erik sa red carpet ng awards night na idinaos sa New York Hilton Midtown Hotel sa New York City, Lunes ng gabi, November 21, 2022 (Martes ng umaga sa Pilipinas, November 22), ipinaliwanag niya ang dahilan ng patuloy na paggawa nila ni Dondon ng mga pelikulang kagaya ng On The Job: The Missing 8.
Aniya, "For the longest time, yung mga ganitong kuwento na ginagawa namin, parang people back home, mga producer, mga kasama sa industriya, parang hindi nila makita kung bakit continuously, ito yung mga ginagawa namin.
“I think, even if na-nominate lang tayo, kahit hindi tayo manalo, being nominated makikita naman nila, other producers, puwede naman palang magkuwento ng iba naman.
“Hindi yung usual nating ikinukuwento na melodrama or romantic comedy. Puwede naman pala magkuwento ng iba at may pupuntahan naman pala.”
Ang Help ng United Kingdom ang nanalong Best TV Movie/Mini-Series. Isa sa mga mahigpit na nakalaban ng On The Job: The Missing 8 para sa naturang kategorya.
Ang mga sumusunod ang ibang mga nagwagi sa 50th International Emmy Awards:
Drama Series: Vigil (World Productions, United Kingdom)
Comedy Series: Sex Education (Netflix / Eleven Film, United Kingdom)
TV Movie/Mini-Series: Help (The Forge / All3Media International, United Kingdom)
Non-Scripted Entertainment: Love on the Spectrum – Season 2 (Northern Pictures / ABC / Netflix, Australia)
Non-English Language U.S. Primetime Program: Buscando A Frida (Telemundo Global Studios / Argos, United States)
Documentary: Enfants De Daech, Les Damnés de la Guerre [Iraq’s Lost Generation] (Cinétévé / France Televisions / LCP / RTS / DR / NRK / SVT / Région Ile-de-France / CNC / PROCIREP – ANGOA, France)
Best Performance by an Actress: Lou de Laâge in Le Bal des Folles [The Mad Women’s Ball] (Légende Films / Amazon, France)
Best Performance by an Actor: Dougray Scott in Irvine Welsh’s Crime (Cineflix Media Inc. / Buccaneer Media / Off Grid Film & TV, United Kingdom)
Arts Programming: Freddie Mercury: The Final Act (Rogan Productions, United Kingdom)
Sports Documentary: Queen Of Speed (Sky / Drum Studios, United Kingdom)
Kids: Factual & Entertainment: My Better World (Fundi Films / Maan Creative / Impact(ed) International, South Africa)
Kids: Live-Action: Kabam! (NPO / IJswater Films / KRO-NCRV, Netherlands)
Kids: Animation: Shaun the Sheep: Flight Before Christmas (Netflix / Aardman, United Kingdom)
Telenovela: YeonMo [The King’s Affection] (Korean Broadcasting System / Netflix / Monster Union / Arc Media, South Korea)
Short-Form Series: Rurangi (Autonomouse / The Yellow Affair, New Zealand)