Ang mga proyektong gagawin nina Julia Barretto, Anne Curtis, at Sarah Geronimo sa Viva Entertainment para sa 2023 ang mga inilahad nina Viva Entertainment President at Chief Operating Officer Vincent del Rosario at Senior Vice President for Content Creations and Development Val del Rosario nang humarap sila sa mga miyembro ng entertainment media.
Will You Be My Ex? ang pamagat ng pelikula na pagsasamahan nina Julia at Diego Loyzaga at malapit nang mag-umpisa ang shooting nila.
Pahayag ni Val, “Yung movie ni Julia and ni Diego will start shooting actually by next week. Kung saan siya mapupunta is yet to be determined.
“We’ll keep you guys posted kung saan platform. Director is Real Florido.
"He’s the guy who directed Bakit Di Mo Sabihin, the one with Janine Gutierrez and JC de Vera."
Kinumpirma ni Val na mapapanood sa Viva Prime ang kanyang pet project, ang The Rain in España, ang popular Wattpad novel na may 131 million reads.
Sina Marco Gallo at Heaven Peralejo ang mga bida sa The Rain in España na isang 10-episode at 45-minute romance-comedy series na ipalalabas sa Viva Prime, ang bagong streaming platform ng Viva Entertainment.
Read: Pagbibida nina Heaven Peralejo at Marco Gallo sa "The Rain in España," trending sa social media
Ibinalita naman ni Vincent na nagsimula na si Anne mag-ensayo para sa series na pagbibidahan nito, pero limitado ang impormasyong kanyang ibinigay.
“Si Anne, ang mauuna niyang inaka-acting comeback yung series ng isang popular film na ginawa niya.
"Actually hindi sa Viva yun, pero she’s training now. Babalikan niya yung isang role na ginawa niya sa movie.
“Si Anne took a year off, so nung pagbalik niya, dapat yung gagawin niya, feature film [pero] sabi niya, ‘Tanggapin ko muna yung series,’ then gagawa siya ng feature film after that."
Ayon pa kay Vincent, “Si Sarah naman, imbes na gumawa ng movie, gumawa ng dalawang concerts.
“Okay rin naman dahil she wanted to focus on her music and, true enough, hanggang ngayon ipinu-promote niya yung album niya na bago, yung Dati-Dati.
“Pero yung pelikula, iikot kami uli ngayon sa kanya para mag-pitch ng materials and, hopefully, may magustuhan siya. Kasi ang gaganda ng materials na naka-line up para sa kanya."