Si Theodore Boborol ang direktor ng The Rain in España, ang romance-drama series na pinagbibidahan nina Marco Gallo at Heaven Peralejo na mapapanood sa Viva One streaming platform simula sa May 1, 2023.
Read: Pagbibida nina Heaven Peralejo at Marco Gallo sa "The Rain in España," trending sa social media
Sa media conference ng The Rain in España ngayong Miyerkules, April 19, ipinagtapat ni Direk Theodore ang napansin niyang tila pagkakamabutihan nina Marco at Heaven.
Unang nagkasama sina Marco at Heaven bilang mga housemate ng Pinoy Big Brother: Lucky Season 7 noong mga teenager pa ang dalawa.
Ayon sa direktor, “Tinutukso ko na sila before the start of the shoot kasi nung in-announce na sila yung cast [ng The Rain in España], lumalabas yung mga PBB video clip nila nung teenager pa sila.
“Si Marco pala, iniyakan si Heaven tapos may halikan na naganap, first kiss.
“So, nung first few days [ng taping] sobrang tuksuhan yung dalawa. Tinutukso namin sila sa isa’t isa.
"Pero after the shoot, napapansin ko sa social media, may something….” rebelasyon ni Boborol.
Hindi nag-iisa dahil napansin din ng social media followers nina Marco at Heaven ang kakaibang closeness nila sa isa’t isa mula nang magtambal sila sa The Rain in España.
Hindi kinontra ni Marco ang pambubuko na ginawa ni Boborol dahil, ayon sa kanya, nakita niya ang ibang bahagi ng pagkatao ni Heaven nang magsama sila sa The Rain in España.
“Working with her was probably the best work I have ever done. It didn’t even feel like work really.
“I love the professionalism because we’re really rehearsing. We’re really wanted to give the best that we could. We’re not just playing around on set, we really worked hard for it.
"I’m really really happy that I got to work with her," lahad ni Marco habang nakikinig na mabuti si Heaven sa kanyang mga sinasabi.
Patuloy ng Filipino-Italian actor, “If people watched PBB, like our batch, I did like her at the time and we lost track of each other. I did recognize her at the same time but it was like a matured version of her.
“While working, I just saw different sides of her that I never knew about and I liked it. I did.
“And while working with her, I saw how supportive she was which is to me the most important thing.
“I don’t like having drama on set, I don’t like that stuff, and just the fact that she gives me what I need… the only thing I can do is just make her happy on set as well.
"I did enjoy my time with her. I did."
Para naman kay Heaven, may kulang sa kanyang pakiramdam kung hindi si Marco ang love interest niya sa The Rain in España dahil sa pag-aalagang ginawa nito sa kanya.
Saad niya, “Kung iba po ang kapartner ko, siguro may kulang. Siya kasi talagang inaalagaan niya rin ako at saka yung show po so I’m really happy to work with Marco.
“Si Marco, kapag hindi niyo pa kilala, sobrang serious niya as a person. Yun ang aura na ibinibigay niya pero once na makuha mo na yung kiliti niya, yung humor niya.
“May times na nasa set kami, hindi maka-take kasi tawa kami nang tawa sa isa’t isa. Yung mga inside joke lang naman.”