Sina Martin Nievera at Morissette Amon ang Pinoy singers na special guests ni David Foster sa David Foster and Friends, ang show ng sikat na American musician na itinanghal noong March 21 hanggang March 26, 2023 sa The Theatre ng The Solaire.
May magandang resulta ang partisipasyon ni Martin sa nakaraang concert ni David. Inimbitahan ng American musician ang Filipino Concert King na makasali sa kanyang mga show sa susunod na buwan sa The Wynn, Las Vegas, Nevada.
Sinabi ni Martin na hindi lamang ang Pilipinas ang minahal ni David dahil malaki ang paghanga nito sa mga Filipino talent, at patunay ang imbitasyon na tinanggap niya.
Kuwento ng singer, “Just so you know, he’s not just being polite, just to show that he’s not, that he really believes in us, he is doing his residency in Las Vegas at the Wynn Hotel.
“He’s there every so often and he’s asked me to be part of the cast, perform with him at the Wynn Hotel in Las Vegas.
“He asked me in Manila to be part of his Las Vegas residency this June 23 and June 24.
“He only chose me because he knows I’m gonna really be here in the States because of my show with Morissette.”
Ang Martin & Morissette ang tinutukoy ni Martin na concert nila ni Morissette na magaganap sa June 2 at June 3, 2023 sa Graton Resort Casino at Fantasy Resort Spring Casino, California, respectively.
Nagkaroon din ng special participation si Morissette sa David Foster & Friends noong March 2023.
Ayon kay Martin, kung nalaman ni David na pupunta rin si Morissette sa U.S. sa susunod na buwan, baka inimbitahan din ng American musician ang Filipina singer na binansagang "Asia’s Phoenix" para magtanghal sa kanyang show sa Wynn Hotel.
Saludo si Martin sa pagpapahalaga na ibinibigay ni David sa mga Filipino talent dahil ito ang nagbukas ng pinto para makilala sa international scene ang ating lahi.
Si Charice Pempengco, aka Jake Zyrus, ang kauna-unahang Pilipino na binigyan ni David ng pagkakataong makabilang sa David Foster & Friends.
Sinundan ito nina Martin at Morissette.
“Now, we have opened the doors to let the whole world know that the likes of David Foster likes to perform with us,” may pagmamalaking sabi ni Martin dahil kinikilala na ang singing talent ng mga Pilipino ng mga sikat na personalidad gaya ni David.