Humarap si Julia Barretto sa ilang miyembro ng entertainment press noong Lunes, June 5, 2023, para magkuwento tungkol sa kanyang bagong pelikula, ang Will You Be My Ex?, na pinagbibidahan nila ni Diego Loyzaga at ipalalabas sa mga sinehan sa June 21.
Pero tinanong pa rin siya tungkol sa balitang magkakasama sila ni Alden Richards sa Philippine adaptation ng South Korean hit movie na A Moment to Remember.
Sa orihinal na plano, si Bea Alonzo ang makakapareha ni Alden sa nabanggit na proyektong hindi kaagad nasimulan, hanggang magdesisyon ang aktres na hindi na nito gagawin ang pelikula.
Read: Pelikula nina Bea Alonzo at Alden Richards, hindi na tuloy
“I don’t know if I can comment on that yet, but we can talk about it when we get there. We can chat about it, we can have a discussion, we can chat when we get there,” maingat na sagot ni Julia.
ON WORKING AGAIN WITH DIEGO
Sina Diego at Bea Binene ang mga co-star ni Julia sa Will You Be My Ex?.
Nagkasama na sina Diego at Julia noong 2014 sa isang drama series ng ABS-CBN kaya nasaksihan ni Julia ang mga pagbabago kay Diego bilang aktor.
“I am so glad that we did this movie at such a good time in his life. Diego is such a wonderful person and he showed me so much kindness all throught filming and I consider him now my friend.
“I am excited na makausap ninyo siya because he’s really in a good place, ang refreshing niyang kausap,” papuri ni Julia kay Diego, na kasalukuyang nagbabakasyon sa Australia.
Isa lamang ang eksena nina Julia at Bea sa Will You Be My Ex?, pero marami na silang napag-usapan sa kanilang sandaling pagkikita.
Lahad ni Julia, “Si Diego at saka siya yung mas maraming shooting days and eksena.
"Si Bea, nakaeksena ko siya na parang isa lang, but it was fun. Nakapagkuwentuhan kami agad ng mga trip namin, like what she likes to do when its her off day. Where does she wanna be.
"Parang same kami na taong-bahay ni Bea."
May mga natuklasan din daw si Julia sa sarili habang ginagawa niya ang Will You Be My Ex?.
“Every film that I do, mas napapamahal lang ako sa ginagawa ko so doing this film is just a reminder of why I wanna keep doing more films and why I love it so much. Why I love romcom plus drama so much.
"With every each film, may bago ka talagang matututunan at magugulat ka na lang sa sarili mo na nailalabas mo yung mga ganoong emosyon, yung ganoong mga reaksiyon.
“Every day, you learn something about yourself in your films.”
THE DAY JULIA FELL IN LOVE WITH ACTING
Eighteen years old daw si Julia nang mapagtanto nitong mahal niya ang propesyon bilang aktres dahil kina Angel Aquino at Jay Manalo, ang kanyang mga co-star sa drama series sa ABS-CBN noong 2015, ang And I Love You So.
“I will never forget this moment that I was doing the show And I Love You So. Nagkaroon kami ng eksena ni Miss Angel Aquino and Sir Jay Manalo. They were my parents in that teleserye.
“They’ve been doing this for a very long time and I remember, nagkaroon ng eksena na parang nagsisigawan sila, nagsasagutan.
"It was a very high scene and I forgot na, 'Oh my God, kasama pala ako sa eksena,' kasi I ended up just watching them.
“And I remember feeling na this is what real passion is for your work, for your job, for your craft na kahit gaano katagal mo na itong ginagawa, nakita ko sa kanila yung commitment, passion, nag-o-overflow pa rin yung emosyon nila.
"Talagang from the heart yung ibinibigay nila, and I think that’s when I realize na I wanna be like that. I want to have that kind of passion and fire in my heart for as long as kaya.
“I will never forget that moment. I think it was such a turning point for me na napahanga lang ako sa pagiging passionate nila sa craft nila.”