Kasali ang Broken Hearts' Trip sa sampung pelikulang opisyal na kalahok sa 49th Metro Manila Film Festival (MMFF).
Marami ang nagulat dahil biglang nagkaroon ng ingay ang tahimik na proyektong pinangungunahan ni Christian Bables.
Read: MMFF 2023 Top 10 official entries: Pinaghalu-halong romance, drama, horror, comedy, fantasy, action
Kabilang si Christian sa mga nasorpresa at natuwa nang husto nang malaman niyang napili para sa film festival, na mag-uumpisa sa December 25, 2023, ang kanyang pelikula habang nagbabakasyon siya sa Bangkok, Thailand.
Kuwento niya sa Cabinet File, “I was in Bangkok. My management called me and people were tagging me in their congratulatory messages.
"So that’s when I learned that our humble film, is an official entry to the MMFF 2023.
“I am excited because again, we were able to be given a chance to join the festival.”
Ang Broken Hearts' Trip ang ikalawang pelikulang pinagbibidahan ni Christian na official entry sa MMFFF.
Siya rin ang pangunahing aktor sa Big Night, ang second best picture sa MMFF 2021 at nagbigay sa kanya ng best actor award.
Read: Big Night, big winner sa MMFF 2021 Gabi ng Parangal; Christian Bables, first choice bilang Dharna
Nang ialok kay Christian ang Broken Hearts' Trip, hindi na niya itinanong kung bakit siya ang napili na magbida dahil sa kanyang kagustuhang muling makatrabaho ang direktor na si Lem Lorca.
Sabi niya, “I just accepted the project because I saw the promise and potential of the story. And I wanted to work with my friend, Direk Lem Lorca, again.”
Nagkatrabaho sina Christian at Lem sa short film na A Love Story In The Time of HIV.
Naniniwala si Christian na hindi lamang sa kanya nakasalalay ang magiging tagumpay ng Broken Hearts' Trip, kung saan kasama niya sa cast sina Teejay Marquez, Andoy Ranay, Marvin Yap, Petite, Iyah Mina, at Jaclyn Jose.
Saad niya, “I must say, hindi lang sa lead actors nakasalalay ang success ng isang film. That’s a misconception.
“Ang magandang pelikula ay nabubuo with collective effort and passion. Bawat isa may ambag, mula sa staff, crew, director, actors at hanggang sa producers.
“I think we are all confident na maganda itong pelikula na nagawa namin.
“It’s about healing. It’s about letting yourself heal from the thing or person that holds you back from being happy.
“I think people can, somehow, relate and they can identify with the pain to each and every character in this film.
“We hope to make our audience realize the importance of self- love, and the importance of making peace with yourself.
“Na bago ka makapagbigay ng pagmamahal at patawad sa iba, mahalagang mahalin at patawarin mo muna ang sarili mo."
Dagdag pa ni Christian, “Sumakto ang message sa isa sa mga matagal nang gustong iparating sa atin ng spirit of Christmas — to love and forgive.
"The movie also features the beautiful hidden spots of our country, kung saan nakakapag-promote tayo ng Philippine tourism while entertaining our moviegoers.”
Nasasabik na si Christian sa muling pagsakay niya sa float para sa Parade of Stars ng 49th Metro Manila Film Festival.