April Fools' Day prank ang announcement nina Marco Gallo at Heaven Peralejo na nagdesisyon silang buwagin ang kanilang MarVen love team at huling pelikula na nilang magkasama ang ang Men Are From QC, Women Are From Alabang.
Read: Marco Gallo at Heaven Peralejo, may something?
Hindi sineryoso ng netizens ang video recorded statement nina Heaven at Marco dahil inilabas ito noong Lunes, Abril 1, 2024, April Fools' Day.
Naramdaman agad ng netizens na nagbibiro lamang ang dalawa, na hindi maipagkakailang lalong lumalalim ang relasyon mula nang maging opisyal ang kanilang love team.
Read: Heaven Peralejo-Marco Gallo romantic status, nananatiling palaisipan
View this post on Instagram
Muling mapapanood sina Heaven at Marco sa Philippine remake ng South Korean movie na Sunny, na mapapanood sa mga sinehan simula sa Abril 10.
Pero may mga nagtataka dahil pumayag ang Filipino-Italian actor na tanggapin ang proyekto na mga babae ang mga pangunahing bida at hindi siya.
Nagsalita si Heaven na nagpapasalamat siya kay Marco dahil sa suporta nitong ibinigay sa kanya sa Sunny.
Paliwanag ni Heaven, “Of course, thankful naman ako, but I would do the same thing for him. Sabi ko naman sa inyo, suportahan lang din naman talaga.
“Kahit kunyari, in time na meron siyang movie na hindi naman ako bida o supporting lang ako, o kahit cameo role lang ako, gagawin ko yon para sa kanya.
“Minsan kapag may shooting kami and then, one sequence lang siya. Sasamahan niya ako buong araw kahit tapos na ang sequence niya so may nag-aalaga [sa akin].”
Ipinagmamalaki ni Heaven na palaging nagdadala ng saya si Marco sa set ng bawat proyektong ginagawa nila.
Nang tanungin tungkol sa kaibahan ng Sunny sa ibang mga barkada project na ginawa nila ni Marco, tulad ng original series na The Rain in España, sinabi ni Heaven na magkakaibigan na sila ng kanyang co-stars na sina Bea Binene at Aubrey Caraan nang mag-umpisa ang kanilang shooting para sa Philippine remake ng naturang South Korean film.
Read: Vina Morales, tinanggap ang pelikulang Sunny dahil sa anak na si Ceana
Kuwento ni Heaven, “Nakasama ko na sina Bea at Aubrey sa The Rain in España, sobrang close namin talaga.
“Meron na kaming history together, kumbaga. And then sa Sunny, makikita kung paano kami magiging magkaibigan.
“Sobrang mas bata rin ang karakter namin sa Sunny dahil college and working students na ang characters namin sa The Rain in España.”
Read: Pagbibida nina Heaven Peralejo at Marco Gallo sa "The Rain in España," trending sa social media