Tumatanggap ngayon ng mga batikos si Miss Universe Philippines 2022 Celeste Cortesi mula sa netizens dahil sa kanyang "WHAT JUST HAPPENED" tweet pagkatapos ng grand coronation ng Miss Universe Philippines 2024.
Read: Celeste Cortesi on Miss Universe Philippines 2024: "What just happened?"
Hindi nagustuhan ng maraming netizens ang kanyang X post kaya napilitan siyang magpaliwanag bilang pagtatanggol sa sarili.
Sabi ni Celeste (published as is), “Ya’ll need to chill. Haha.
"What I meant by what happened is how the other crowns were distributed. Where’s Cainta? Where’s Taguig?
"Stop trying to make an issue, I have my bets but I fully support who ever wins."
Ginanap ang Miss Universe Philippines 2024 sa Mall of Asia Arena nitong Miyerkules ng gabi, Mayo 22, 2024.
OTHER BEAUTY TITLES
Ang tinutukoy ni Celeste ay ang apat na beauty titles na inanunsiyo pagkatapos tanghaling Miss Universe Philippines 2024 si Chelsea Manalo ng Bulacan.
Bagamat hinirang na first runner-up si Stacey Gabriel ng Cainta at fourth runner-up si Christi McGarry ng Taguig, hindi sila kabilang sa binigyan ng beauty title.
Samantalang ang first runner-up na si Ahtisa Manalo ng Quezon Province ay hinirang na Miss Cosmo International Philippines, at ang third runner-up na si Tarah Valencia ng Baguio ay itinanghal na Miss Supranational Philippines.
Ang Top 10 finalists na sina Alexie Brooks ng Iloilo ang Miss Eco International Philippines at Cyrille Payumo ng Pampanga ang Miss Charm Philippines.
Read: Ahtisa Manalo, Alexie Brooks also win beauty titles at Miss Universe Philippines 2024
Base sa nakuhang impormasyon ng PEP.ph, hindi kasama sina Stacey at Christi sa binigyan ng beauty title dahil sa height at age restrictions ng international pageants na sasalihan ng Philippine candidate.
Hindi gaya sa Miss Universe na tinanggal na ang restrictions sa age, height, marital status, at maging sa pagiging natural-born women.
Si Celeste ang kinatawan ng Pilipinas sa Miss Universe 2022 na idinaos sa New Orleans, Louisiana, USA, noong Enero 14, 2023.
Hindi umabot si Celeste sa semifinals round ng 71st Miss Universe, na sumira sa "winning streak" ng Pilipinas mula noong 2010 sa most prestigious international beauty pageant.
Read: Celeste Cortesi fails to land Miss Universe 2022 Top 16 spot
BULACAN CELEBRATES CHELSEA MANALO'S MISS UNIVERSE PHILIPPINES WIN
Samantala, ipinagbubunyi ng lalawigan ng Bulacan ang pagkapanalo ni Chelsea Anne Manalo sa Miss Universe Philippines 2024.
"Ikinararangal ka ng lahing Bulakenyo!" ang mensahe ng pagbati nina Bulacan Governor Daniel Fernando at Bise-Gobernador Alex Castro kay Chelsea.
Masaya at ipinagmamalaki ng dalawang actor-politicians ang karangalang inihatid sa kanilang lalawigan ng beauty queen na nagmula sa Meycauayan, Bulacan.
Nagpasalamat ang ina ni Chelsea na si Contessa Manalo kina Fernando at Castro dahil buong-buo ang suporta ng pamahalaan ng Bulacan sa kanyang anak.
Limang araw na ang nakalilipas nang hingin nina Fernando at Castro ang suporta ng mamamayan ng Bulacan sa pamamagitan ng kanilang panawagan: "Suportahan po natin ang kakatawan sa dakilang lalawigan ng Bulacan sa Miss Universe Philippines 2024.Mabuhay ang gandang Bulakenya."
Hindi ito nabalewala dahil tunay na ipinagmamalaki ng mga Bulakenyo ang tagumpay ni Chelsea.
Read: FULL TRANSCRIPT: The winning answer at Miss Universe Philippines 2024